Kolasib District chhung MLA bial pathum 4- Tuirial, 5- Kolasib leh 6- Serlui a Candidate te sum senso chu vawiin khan a ni thum ni atan Expenditure Observer Pu Athiko Chalai, IA&AS leh Nodal Officer Pi Maria CT Zuali te hovin Accounting team ten DRDA Hall-ah an endik .

Candidate te hian danin a phut angin an election agent theuhte chu expenditure register nen Accounting team te hmaah hian an inlan a. Tun dinhmunah expenditure sang ber chu Serlui bial atanga MNF Candidate Pu Lalhmingliana niin Rs 361032/- a hmangral tawh a. Tuirial constituency atanga ZNP ticket-a ding Joseph L. Ralte chu a agent in expenditure register ala thehluh loh avangin vawiin khan DEO Pu R. Lalramnghaka chuan thehlut vat tura hriattirin Notice a pe a ni. Election Accounting Team te chuan 19 November khian a chhawng hnihna atan Candidate te sum hman hi an endik leh dawn a ni.