Vawiin khan Aizawl District huam chhunga Presiding Officer leh 1st Polling Officer tura ruat ten Electronic Voting Machine (EVM) leh Voter Verified Paper Audit Trial (VVPAT) hman dan zirhona an nei.

Training ah hian Presiding Officer leh Polling Officer-te chu EVM leh VVPAT hman dan zirtir an nih bakah, inthlannaa an mawhphurhna leh hna thawh dan tur hrang hrang hrilhfiah an ni. Presiding Officer/Polling Officer emaw Officer dang tupawh Election buaipui tura ruatte reng reng chu Representative of the People Act, 1951 section 28A-in a sawi angin Election Commission thuneihna hnuaia awm leh tih tur a tih apiang ti tura awm an nih thu te, inthlanna thianghlim tak a awm theih nan mawhphurhna sang tak leh pawimawh tak an neih thu leh, fimkhur taka an hna chanpual te hlenchhuak turin Presiding Officer leh Polling Officer-te chu hrilh an ni.

Training hi vawiin khan heng hmunahte hian neih a ni :-

Hmun

Name of Officer / Master Trainer

1

D.C Committee Room

Lalrohlua, Under Secy., DP&AR

2

I&PR Auditorium

Pinky Zosangpuii, A.C

3

Agriculture Conference Hall

James Lalnunmawia, Secy., AMC

4

Horticulture Conference Hall

P.C. Zonuntluangi, SDC

5

Central Hall, Venghlui

Lalnunmawii, BDO, Tlangnuam

6

Khatla YMA Hall

V. Lalduhzuala, S.O.

7

FCS&CA Conference Hall

Robert C. Lalhmangaiha, Dy. Dir., R.D. Dept.

Aizawl District chhunga Polling Station 323-a duty tur hian Presiding leh Polling Officer tur mi 1550 chuang ruat an ni.