1638/2022-2023
Aizawl, the 17th August 2022: Vawiin chawhma atang khan ni hnih awh tur 'Capacity Building Workshop on Intelligence Collection, Investigation and handling of Wildlife Offence cases' - Ramsa humhalh te laka pawikhawihna chhui leh hmalak dan chungchang inzirtirna chu Chief Wildlife Warden Conference Hall, MINECO, Khatla, Aizawl ah neih tan a ni a. He training hi Ministry of Environment, Forest & Climate Change, Government of India hnuaia peng pakhat Wildlife Crime Control Bureau (WCCB) Govt. of India leh Environment, Forest & Climate Change Department, Mizoram-te tangkawpin an buatsaih a ni.

He training session hi Pu Jitendra Kumar, PCCF & Principal Secretary, EF & CC Dept-in khuh hawngin, member rawn kalte hnenah lawmthu a sawi a. PCCF hian Mizoram-in nungcha humhalhna atana duan bik hmun Tiger Reserve, National Park leh Wildlife Sanctuary-ten a khuh zau zawng hi Mizoram zau zawng za zela 9.476 % a ni a,. India rampum huap a heng Protected Area laihawl (average) chu 5.02 % a ni a, National average aiin kan san zawk thu sawi a ni. Mizoram hi International border a awm kan nih avang a nungcha a sumdawnna a hluar zia leh human-animal conflict a nasat zia a sawi a. Hemi ven nana pawimawh ber chu social fencing - Ramsa leh nungcha humhalh kawnga mipui nawlpui thinlung hneha an tawiawmna dawn a pawimawh ber tih a sawi a. Nungcha humhalh bikna hmun chheh vela cheng te'n hlawkna an lo tel ve theih na'n eco tourism hi a pawimawh hle a ni tiin a sawi bawk.

He training hi Pi Lalrammawii Sailo, Chief Wildlife Warden chuan kaihruai in, Pu Agni Mitra, Regional Director, Eastern Region, WCCB leh a ho ten training an pe a. Forest Department mi leh sa mai bakah Police deptt. atangin Officer thahnem tak an tel bawk a ni. WCCB lam chuan India hmarchhak state te hi Illegal Wildlife Trade leh demand-ah a san zia an sawi bawk. Training Ni khatna ah hian India rama nungcha a sumdawnna a kal vel dan te leh dinhmun te zir a ni a. A bik takin Samak ki leh Saphu kawr a sumdawnna hluar zia te zir hovin, ramsa leh an taksa peng dang dan lova sumdawnna an kalpui dan te pawh zir ho a ni.

He training-ah hian dan pawimawh tak tak Wildlife (Protection) Act, 1972 te, Customs Act, 1962 leh Indian Forest Act, 1927 te zirchianna neih a nih bakah he'ng Act-te hmanna tur bik te zir tel bawk a ni. Wildlife Crime Control Bureau hi Wildlife Protection Act, Chapter IV ‘C’ denchhen a din ni in, India ramah Regional Office hmun nga ah a awm a. India ram a dan kengkawhtu department hrang hrangte hnena dan lo va nungcha a sumdawnna thil leh a kaihnawih te hrilh hriat a venpui hi Wildlife Crime Control Bureau thil tum lian ber a ni.