No.1553/2020-2021
Aizawl District Magistrate Pu Vanlalngaihsaka chuan Lockdown 5.0 kalpui mekah Aizawl District chhunga zan curfew chhunga hna pawimawh vanga chhuah phalna a hnuai ami ang hian thupek a tichhuak.
Govt, of Mizoram, DM & R Department Order vide memo No. B.13021/101/2020-DMR/Pt.III Dt. 31-05-2020 bawhzuiin;
Section 144 CrPC (Act No. 2 of 1974) tlawh chhanin mipui pawn chhuah khapna thupek chhuah a ni a. He thupek hi thu leh awm hma chu zan tin dar 7:30 atanga a tuk zing dar 4:30 thleng a huam ang.
He thupek hian Aizawl District pum pui a huam ang a; a hnuaia tarlan mite chauh lo chu pawn chhuah phal a ni lo.
1. State Level Task Force on CoVID-19 Member-te
2. District Level Task Force on CoVID-19 Member-te
3. Local/ Village Task Force on CoVID-19 Member-te
4. Army, BSF, CRPF, Assam Rifles leh BRTF duty
5. Magistrate leh Police duty leh Home Guard duty
6. Hospital a thawk Doctor, Nurse leh thawktu dang
7. Chanchinbumi leh electronic media a thawktu zawng zawng DDK leh AIR tiamin
8. Petrol pump
9. Fire and Emergency Services duty
10. Power and Electricity Deptt. hnuaia power supply buaipuitu
11. Prison a duty
12. Excise and Narcotics Deptt. enforcement mite
13. Medical emergency avanga Damdawi In pantu leh chhungkuaa thihna avanga veng danga kal ngai, an veng LTF te lehkha keng
14. Private Security Service
15. Essential commodity phur leh Home Deptt. atanga phalna neite
16. Disaster Management buaipuitu Official te
17. PHE Department-a emergency leh night duty te
18. I & PR Department official night duty te
19. District Magistrate leh Sub-Divisional Magistrate in phalna a pek te
He thupek hian vawiin Ni 1st June, 2020 atanga thu leh awm hma chu a huam ang.
He Thupek hi Court Seal a nemnghetin vawiin Ni 1st June, 2020 hian ka hming ka ziah hnan e.
