1373/2026-2027

Khawzawl, 13th July, 2026: Catchtherain chungchangah Deputy Commissioner, Khawzawl chuan hetiang hian Hriattirna a tichhuak:

Kan Prime Minister zahawm tak in 135^th edition of Mann Ki Baat-a mipui te hnena a thuchah bawhzuiin, July Ni 4 atangin thia khat chhung awh tur #CatchTheRain movement: ‘Ruahtui khawlkhawm, Tuihna humhalh, In chunga ruahtui tla dahkhawl, Leihnuai tui tih tam’ chu Khawzawl District ah hma lak tan tur a inbuatsaih mek a ni a. He movement ti hlawhtling tur hian Khawzawl District mipui te, a hnuaia tarlan ang hian hma lo la tur a ngen leh hriattir kan ni: 

1. Lo neitu ten an lo lu lamah ‘Recharge Pit’ (Tuihna khawl theihna tur khur) panga (5) aia tlem lo siam theuh tur a ni. A khur hi 3x2 feet a zau, 1 ft a thuk a siam tur a ni ang.

2. Kan chenna in chung leh tuizem te ruahtui tla dah khawl theihna turin chei that vek tur a ni.

3. Office leh Zirna in ah te Point No.2 ang hian hma lo lak tur a ni a, hemi bakah hian tui liam/chuang chu leihnuaia a luh (groundwater recharge) theihna turin a remchan ang a ‘recharge pit’ siam zel tur a ni. 

A chunga kan tarlan tak te hi mimal/pawl ang a kan tih hlawhtlin chuan thlalak a dahthat (photo evidence) tur a ni a, thlalak te chu mahni vengchhung VC President/Secretary hnenah soft copy (WhatsApp) in, mahni hming leh khua ziak lang a thawn vek tur a ni.

VC President/Secretary ten tun July thla ral hma (last week of July) ngeiin DC Office Ph: 7085352609 ah soft copy (WhatsApp) a thehluh tur a ni ang.