1374/2026-2027

Kolasib, 13th July, 2026: Vawiin chawhma  khan Additional Deputy Commissioner (Addl. DC), Kolasib, Pi B. Malsawmtluangi kaihhruaiin Kolasib District Level Road Safety Committee (DLRSC) thutkhawmna neih a ni.

Thutkhawm kaihruaitu Addl. DC Pi B. Malsawmtluangi chuan thu sawiin, district chhungah lirthei chetsual (road accident) vanga boral an tlem theih nan theihtawpa hmalak a pawimawh hle a ni, a ti. Vawiin meeting-ah hian Kolasib District chhungah lirthei chesual awm ve zeuh thin mah se, chetsual vanga nunna chan erawh an tlem tih report ngaihthlak a ni a. Tun dinhmunah district chhungah hian accident thlen awlsamna hmun bik (black spots) chhinchhiah a awm rih lo tih tarlan a ni bawk.

Committee chuan road accident a thlen apiangin Police (SP) lam atangin a rang lama report thehluh zung zung thin nise tha an ti a. Hemi bakah hian Supreme Court thuchhuak angin District Level Road Safety Committee (DLRSC) hi mumal leh chak zawka kalpui nise, meeting pawh a hma aia zing zawka neih thin nise tiin an rel a ni.

Vawiin thutkhawmah hian Member Secretary, Executive Engineer, PWD (NHD-III) bakah member dangte - Superintendent of Police (SP), District Transport Officer (DTO), Chief Medical Officer (CMO), District Urban Development Officer (DUDO) leh tlawmngai pawl aiawhin Sub-Hqrs. YMA hruaitute an tel a ni.