Sik leh sa inthlak dang lamin Hmarchhak bial leh a mipuite a nghawng dan zirchiana leh ruahmanna tuna Hmarchhak state pathum a kalpui mek Climate Change Adaptation in the North Eastern Region (CCA-NER) tih chu Mizoram leh Hmarchhak state dangah te pawh kalpui dan kawng dap turin naktuk khian Ministry of DoNER-a Joint Secretary Pu A. M. Singh leh Indrani Phukan Project Coordinator, CCA-NER te chuan Mizoram an rawn tlawh dawn a. Naktuk chawhnu ah hemi chungchangah Chief Secretary hovin meeting an nei dawn a ni.

CCA-NER hi Germany Sawrkar-a an Federal Ministry of Economic Cooperation and Development leh Ministry of DoNER thawhhona a din a ni a, he ruahmanna hi tunah hian Meghalaya, Nagaland leh Sikkim ah te kalpui mek a ni.

CCA-NER in a tum ber chu Hmarchhak biala sik leh sa inthlak danglam avanga mipuiin harsatna an tawh te tih ziaawm dan kawng dap a hemi chungchangah, a bikin sik leh sa inthlak danglam mila nunphung her rem dan kawng mipui leh pawl te zirtir a ni.