He thu hi vawiin chawhnu khan ama Conference Hall ah Mizoram Remote Sensing Application Centre(MIRSAC) Governing Body te hma ah Chief Secretary Pi L.Tochhong chuan a sawi a.MIRSAC pawh line department te hnen bakah department mamawhtu apiang te hnenah an thiamna leh leh an theihna te zuar thin tur te in a chah a. Department te pawn MIRSAC hmanruate leh thiam na te chu an hmalakna hrang hranga chhawr tangkaina chang an hriat a tha ani a ti. MIRSAC Governing Body meeting ah hian Line Deparment hotulu te an tel tha hle a. Kum 2013-2014 chhunga MIRSAC hmalakna leh hnathawh hrang hrang te bihchian niin kum 2014-15 chhung atana ruahmanna kalpui tum te an thlir ho a ni. MIRSAC Member & Secretary Dr. R.K. Lallianthanga chuan report pe in, Remote Sensing & Geographic information system(RS&GIS) data an buatsaih te chu Mizoram sawrkar hnuaia department hrang hrang ten an chhawr tangkai viau tawh laiin nasa zawka hman tangkai nise a tha hle in a rinawm a ti a. Kum 2014-15 chhunga an an hnathawk mek zingah ramngaw leh ram leilung hman tangkai dan map an siam te, thelret chin theihna tur hmun map an siam te, forest working plan siamna atana map an buatsaih te, PHED hman tur, leihnuai tui zawnchhuah nana kaihruaitu tur map te, UD&PA Deptt in slum area tihhmasawn nana project an thawh lai mek puitu atana Aizawl City Map an siamsak te an tel a ni.
MIRSAC hian department of space hnuaia centre- NRSC leh NESAC te nen tangkawpin ram hmasawnna tur remote sensing project hrang hrang, viz.., Space based Information support for Decentralised Planning(SIS-DP), ground water prospect & Quality, Northeastern District resources plan(NEDRP) te an la thawk mek a. Heng bakah hian anmahni pualin Mizoram infrastructure information & Monitoring system(MIIMS) te, UD&PA hman tur Geo-referenced based map for Lunglei town te, Minor Irrigation Department hmantur district wise GIS map of Minor irrigation Projects te an la buaipui mek a ni.
Meeting ah hian Mizoram chu tlangram chhengchhe tak a nih vangin ram pianphhung, ruam, kawr, tlangram chhengche lai leh phaizawl te chiang leh zuala hriatna Contour mapping chu Development department zawng zawng deuh thaw in an hmalakna a an mamawh thu sawi chhuah a ni a. He contour mapping siam tur hian light Detection and ranging(LIDAR) hman a ngai a. Mizoram mapping ti tura senso mamawh pawh Rs 25 crore lai a nih avangin Governing Body chu kawng zawn pui tura ngen a ni a. Chief Secretary Pi L.Tochhong, Chairperson, MIRSAC Governing Body ni bawk chuan nakum a DONER hnena Project thehluh leh hunah Planning department te leh MIRSAC te chu LIDAR project bik atan ruahmanna siam tur leh DONER a project theluh zinga telh ve turin a hriattir a ni.
MIRSAC Governing Body ah hian Planning Department, Finance Department, Environment & Forest department, PWD, P&E, PHED, Minor Irrigation, Agriculture, Soil & water Conservation, Rural Development, land & revenue settlement, Urban Development & Poverty alleviation, DM&R, Sericulture leh science & technology department aiawh te chu member an ni mek a ni.
