No.7050/2020-2021               

Covid Care Centre (CCC) inkaihhruaina thar siam a ni.

Health & family Welfare Department, Government of Mizoram chuan December ni 23, 2020 khan Mizoram chhunga COVID-19 positive te enkawlna hmun Covid Care Centre (CCC) te zawm tur inkaihhruaina a hnuaia tarlan ang hian thupek an chhuah

COVID CARE CENTRE INKAIHHRUAINA

COVID CARE CENTRE (CCC)

    COVID CARE CENTRE chu damdawi in emaw health care facility pangngai bakah hmunhma dang e.g. School, hostel, Community hall etc., Covid-19 hri kai enkawlna tur atana a tul anga ruahman te hi an ni. Chutiang hmunhma chu sawrkar emaw mimal emaw mipui ta emaw pawh a ni thei.  CCC-ah hian COVID-19 vei ni a rinhlelh emaw vei finfiah tawh, natna lang chhuak lo(Asymptomatic) emaw na em em lo (Very mild/mild)-te dah tur an ni.

    A chunga tarlan angin, COVID-19 vei hmuh chhuah belh zel a ni a, a vei tawh te hi a tam zawk chu natna lang chhuak lo leh na em em lo an ni tlangpui thin. Hei avang hian CCC-a damlo dah tur an pung zel a, CCC hi siam belh zel a lo ngai ta a ni. 

COVID CARE CENTRE HMUNHMA:

Mi pakhat awmna atan pindan pakhat (Single room), ek in/bual in, a hran emaw intawm theih ni thei se.

Single room a awm thei lo a nih pawhin, room khat-a mi pakhat aia tam an awm dawn a nih chuan, khum inkar hlat zawng hi 3-6 feet tal a ni tur a ni.

CCC atan a hman tur chu room thengthaw nuam, tha taka boruak luh chhuah theihna hmun a ni tur a ni.

Pawn lam mi ten awlsam taka an tlawh pawh zung zung theih loh turin hungna (Gate/fencing) tha tak a awm tur a ni.

CCC-ah hian room hran, Medical Team awmna tur a awm tur a ni. Inthlakna tur pindan (Donning and doffing) hran a awm tur a ni bawk.

Covid-19 positive ten awlsam taka Medical Officer te leh staff dang te an biak pawh theihna tur phone number, block/room tinah fiah takin tar tur a ni.

Tui, electric power, bawlhhlawh sawngbawlna leh tuldang te hi bialtu Chief Medical Officer in a ngaihtuah ang.

Ei leh in hi sawrkar tum tur a ni a, bill hi bialtu Chief Medical Officer hnenah thehluh tur a ni.

COVID CARE CENTRE hi din a nih hmain Aizawl district-ah chuan CCC State Management Team, Chief Medical Officer leh LLTF/VLTF ten an endik hmasa tur a ni a, district dangah chuan Chief Medical Officer leh VLTF ten an endik hmasa tur a ni. CCC atan hman tlak a ni ti a report thehluh a nih hnuah Sorkarin hman theih turin notification a chhuah ang.

COVID CARE CENTRE-A ENKAWL THEIH TE:

COVID-19 vei, natna lang chhuak lo (Asymptomatic)

COVID-19 vei, na em em lo (Very mild/mild)

COVID-19  vei, CCC a enkawl tur chu Doctor-in Very mild/asymptomatic case a ni  tih a finfiah ngei tur a ni.

Damlo taksa chak lo bik – HIV, cancer enkawl lai, kal/thin leh a dangte thlak tawh (transplant) te chu CCC-ah enkawl phal an ni lo.  Heng damlo te hi DCHC emaw DCH ah emaw enkawl tur an ni.

Kum 60 leh a chung lam leh natna benvawn – BP sang, zunthlum, lung natna, chuap/thin leh kal natna benvawn, thluak lam natna leh a dang vei te chu Doctor in uluk takin a en ang a, CCC-a enkawl theih tura a phal te chauh CCC ah enkawl tur an ni.

Naupai te chu CCC-a enkawl phal an ni lo a, DCHC emaw DCH ah emaw enkawl zawk tur an ni.

COVID CARE CENTRE-A THAWKTUTE:

CCC, 50-bedded capacity ah trained Medical Team 2 tal an awm tur a ni.

Medical Team 1 ah hengte hi an awm tur a ni.

Medical Officer – 1

Nurse – 1

Health Worker - 1

Helper – 2.

CCC tinah vengtu (Security team) an awm tur a ni. Hei hi bialtu Chief Medical Officer-in a ngaihtuah ang a, a tuldan a zirin LLTF/VLTF member-te pawh  tlawmngaia duty turin ruat theih an ni ang.  Security team hian Quarantine Facility SOP an zawm tur a ni.

Thawk tute zawng zawng hi Medical Officer in-charge a ruat ten uluk takin training an neih pui ngei tur a ni.

Aizawl district ah Consultant Team(Physician 2 aia tlem lo) ruat an ni ang a, District dangah chuan CCC Consultant tur chu Chief Medical Officer leh Medical Superintendent ten an ruat ang. 

COVID CARE CENTRE-A THAWKTUTE MAWHPHURHNA:

CCC-a thawktu zawng zawng hian Personal Protection Technique uluk takin an zawm tur a ni a, Bio-Medical Waste Mangagement dan pawh khauh takin an kengkawh reng tur a ni.

CCC-a Covid-19 positive admit thar apiang te hnenah SOP zawm tur chiang taka hrilh hriat tur a ni.

CCC-a Medical team te hi staff indaih leh in siam rem theih dan a zirin shift 2 emaw 3 emaw in an duty thin ang.

Medical Officer:

CCC-a Medical Officer in-charge chuan CCC chhungah hotu ber nihna, thuneihna leh mawhphurhna a la ang. Thawktu te duty detail chungchangah thuneihna a nei ang.

Damlo admit leh discharge chungchangah Health Department-in kaihhruaina (Discharge policy) a siam angin a kalpui tur a ni.

CCC chhunga mamawh leh thil tul awm apiangah bialtu CMO-in a lo ngaihtuah turin a thlen thin ang.

Paramedical staff leh thawktu dangte hnathawh dan a enpuiin a kaihruai thin ang, PPE Donning and Doffing leh BMW inkaihruaina dan zawm that a nih leh nih loh uluk takin a enzui reng ang.

Register leh record, report tul awm apiang te, thawktu dangte puihnain a report thin tur a ni.

COVID-19 vei te zingah damlohna lan chhuah dan (khawsik, khuh, thawhah, rim hriatna tlahniam etc) nei emaw harsatna/damlohna dang nei an awm a, refer ngai an awm a nih chuan bialtu CMO-te berawn in DCHC emaw DCH (ZMC)-ah an case history/referral card nen a thawn tur a ni.

Damlo enkawl chungchangah harsatna a neih chuan phone in Consultant te a berawn thin ang.

CCC-a admit tur te bungrua leh thil dang ken luh tur te check chungchang a supervise tur a ni.

Covid-19 hri kai te dinhmun hre chiang turin kar khatah vawikhat tal a tlawh chhuak tur a ni.

Nurse/Health Worker:

Covid-19 positive te enkawl leh CCC enkawl chungchangah Medical Officer-te an pui tur a ni.  CCC vawnfai leh thianghlimna kawngah mawh an phur ang.

CCC-a positive awm te hriselna uluk takin an check thin ang.

Register leh record vawn leh report hrang hrang siam leh thawn kawngah Medical Officer an pui thin ang.

Covid-19 positive te chungchang emaw CCC chungchangah emaw harsatna a awmin Medical Officer hnenah an thlen vat tur a ni.

Helper leh thawktu dangte hnathawh dan enpuiin an kaihruai thin ang.

Covid-19 positive ten CCC in enkawlna dan an zawm em tih enin a tul angin an kaihruai thin tur a ni.

CCC-a admit tur te bungrua leh thil ken luh tur te endikna ah an tel ve tur a ni.

Medical Officer in Covid-19 vei te a tlawh kualna(Ward round) ah an pui tur a ni.

Helper:

Medical Officer leh Para-medical staff te kaihhruaina in hna an thawk ang.

CCC thianghlimna leh faina-ah mawh an phur ang.

Kuta khawih zin bik (dawhkan chung, kawngka hawnna leh a dangte)-te chu 1% sodium hypochlorite solution hmangin an hrufai in an ti thianghlim fo tur a ni.

Covid-19 positive enkawl kawngah Doctor, Nurse, Health Worker-te an pui thin ang.

Covid-19 positive CCC a dah luh tur te bungrua leh thil ken luh tur te endikna ah an tel ve tur a ni.

Security Team:

Security duty tura concerned Authority-in a ruat te chuan tha takin a hnuai a mite hi an zawm ngei tur a ni.

Darkar 24 chhung duty na hmunah duty ngei tur a ni a, duty mekin amah thlaktu tur a lo thlen hma chuan a duty-na hmun a kalsan tur a ni lo.

Duty lai hian Mask vuah reng tur a ni a, kut fai taka sil fo tur a ni a, social distancing pawh tha taka vawn reng tur a ni.

CCC-a lut leh chhuak te chhinchhiahna Register tha takin an vawng tur a ni a, phalna nei te chauh CCC ah luh tir tur a ni.

CCC-a lut tur reng reng uluk taka check tur a ni a, Covid-19 positive admit tur te bungrua leh thil ken luh tur dangte Medical Team te nen uluk takin an endik thin tur a ni.

Security guard chuan mipui pungkhawm thunun nan leh rikrum thila alert siamna atana hman tur hamrik(whistle) a kawl reng tur a ni.

CCC inkaihhruaina dan zawm lo leh buaina siam an awmin emaw harsatna eng emaw a thlenin CCC Medical Officer leh Police Department-a Security Officer i/c a hriattir vat thin tur a ni.

CCC-A POSITIVE TE ENKAWL DAN TUR:

CCC-a positive admit tur reng reng chu dah luh an nih hmain Medical Officer in uluk takin an hriselna dinhmun leh history a endik ngei tur a ni.

Covid-19 positive-te chu nitin Medical Officer/Paramedical staff-ten an hriselna endik tur a ni.  BP, Pulse, SpO2, temperature etc.ni khatah vawi 1 tal an check tur a ni.

Covid-19 positive zingah harsatna nei emaw COVID-19 symptom a zual chuan rang takin Medical Officer hrilh tur a ni.

Covid-19 veite chuan a hnuaia tarlan te hi an neih(develop) chuan DCHC/DCH ah refer tur an ni:

Thawk harsa/thawhah

Oxygen saturation hniam (SpO2<95%)

Awmna (Chest pain) reh thei lo

Rilru lam buaina emaw harh chiang vak lo a awm in

Tawng fiah lo thut/ kaih

Hmai emaw ban leh ke lam chak lo/ mu chur chur

Hmai/ hmuiduk

COVID-19 POSITIVE TE ZAWM TUR: 

CCC a positive admit thar an awm apiangin, a hnuaia zawm tur tarlan te hi Medical Team ten chiang takin an hrilh hre tur a ni.

Englai pawhin triple layer mask hman reng tur a ni. Mask hi darkar 8 hnuah emaw a huh emaw chuan a thara thlak nghal tur a ni.

Pindan/awmna tur ruat bikah chauh awm tur a ni a, hei hi a theih loh chang a awm pawhin CCC-a awm ve, midang te bulah rei tak awm loh tur a ni.  

A pindanah chauh chaw a ei thin tur a ni.

Hahdam taka awm tur  a ni a, tui in tam tur a ni.

Khuh leh hahchhiau reng rengin ban thlep (kiu chhunglam) in emaw tissue paper in emaw rawmawl in emaw ka leh hnar hup thin tur a ni.

Sahbawn leh tui hmangin 40 second chhung tal kut sil fo tur a ni a, remchan lohna a awm chuan alcohol based sanitizer hmangin  tih fai fo tur a ni.

Bungrua/hmanrua/bungbel reng reng midang nen in hman tawm tur a ni lo.

CCC enkawltu te thurawn tha takin zawm tur a ni.

Arogya Setu App hi mobile phone ah hman ngei tur a ni a, englai pawhin a nung reng tur a ni. Arogya Setu App hi www.mygov.in/aarogya-setu- app/ ah emaw Play store atanga download theih a ni.

Medical Team ten an chanchin (Medical history) an zawhin, thu dik tak leh belhchian dawl taka chhan tur a ni.

 Mutbu leh thawmhnaw eng chi pawh room chhungah thin loh tur.

Toilet hman zawhin fai takin kalsan tur a ni. Sahbawn leh tuiin  kut sil fai leh ngei ngei tur a ni.

Covid-19 vei te chuan heng a hnuaia ami te an nei (develop) a nih chuan thawktu te hriattir vat tur a ni:

Khawsik sang

Khuh 

Thawk harsa/thawhah

Rim hriatna tlahniam

Awmna (Chest pain) reh thei lo

Rilru lam buaina emaw harh vak lo

Tawng fiah lo thut/ kaih

Hmai, ban leh ke lam chak lo/ mu chur chur

Hmai/hmuiduk

Natna dang an lo neih tawh sa te a zual in

CCC ENKAWLTUTE ZAWM TUR

Mask:

 Covid-19 positive awmna pindan a kal apiangin triple layer mask hman ngei ngei tur a ni

 Mask hmalam/pawn lam chu khawih miah loh tur a ni.

Mask chu a huh emaw bawlhhlawh kai a awm emaw chuan thlak vat tur a ni.

Mask chu vawi khat hman zawhah paihin kut fai taka sil nghal tur a ni.

Mahni hmai, ka leh hnarte khawih tur a ni lo.

Kut silfai uluk.

Covid-19 Positive bula kal zawh apiang in kut fai taka sil tur a ni.

Ei tur siam hma leh siam zawhah te, eidawn ah te, inthiarna hman zawh leh a balh apiangin kut hi silfai tur a ni.

Sahbawn leh tui hmangin 40 seconds tal kut sil tur a ni. A remchan loh chuan alcohol-based sanitizer hman tur a ni.

Sahbawn leh tui hmanga kut sil zawh hian kut hruk hul nan disposable paper towel hman hi duhthusam a ni. A remchan loh chuan, towel hman bik neih a, hunbi neia suk fai tur a ni.

Gloves hman hma leh hman hnuah kut silfai tur a ni.

Covid-19 positive bula awm dan tur

Positive taksa atanga lo chhuak tuiril lam chi reng reng khawih loh hram tur a ni, a bik takin ka leh hnar atanga lo chhuak te. Damlo buaipui dawn reng rengin disposable glove hman ngei ngei tur a ni.

Bungraw thianghlim lo (natna kai chhawn theihna) lam chi reng reng lakah fimkhur tur a ni(e.g. bungbel, in tur lam chi, cigarettes, towel leh mutbu te).

Chawei thleng leh bungbel dang positive in a hman chu sahbawn leh tui hmangin, gloves bun chungin sil fai tur a ni. Sil fai an nih hnuah hman nawn theih an ni. Gloves phelh hnuah fai taka kut sil leh tur a ni.

Positive  pindan, mutbu leh kawr te tih fai laiin triple layer mask leh gloves hman ngei ngei tur a ni.

Gloves bun dawn leh hman zawhah kut sil fai ngei ngei tur.

BAWLHHLAWH SAWNGBAWL DAN

CCC-a bawlhhlawh te (Waste) hi a tlangpuiin Hazard waste ni lovin General waste a ni tlangpui. Amaherawhchu bawlhlawh sawngbawl tute leh midang tan COVID-19 kai chhawn theihna a nih avangin Hazard waste anga sawngbawl tur a ni.

Covid-19 positive tin in bawlhlawh bawm te, 1 theuh an nei tur a ni.

Bawlhhlawh bawmah garbage bag hman tel tur a ni.

Bawlhhlawh chu nitin emaw bawlhhlawh bawm hmun 3 a thena hmun 2(2/3) a a khah hnuah Bawlhhlawh bawm lian chhawpah paih tur a ni.

Damlo tin te bawlhhlawh bawm te hi nitin 1% sodium hypochlorite a hruk fai tur a ni.

CCC hung chhunga bawlhhlawh dahkhawmna tur Bawm lian chu garbage bag-a thuah tur a ni a. Hetah hian COVID WASTE tih ziak tar tur a ni.

He bawlhhlawh bawm lian hi nitin paih a nih hma-in 1% sodium hypochlorite in darkar khat (1) tal chiaha tih thianghlim tur a ni.

Bawlhhlawh sawngbawl tu te hian PPE-Mask leh Glove an hmang ngei ngei tur a ni.

Bawlhhlawh sawngbawl zawhah thawktu te hian sahbawn leh tui hmangin kut fai taka sil leh ngei tur a ni.

CCC room chhung hi hmunphiaha phiah fai tur a ni lo. Puanchhe huh emaw chhuat nawhna (floor mop) a hruk fai mai tur a ni. Bawlhhlawh (Masks, gloves, chaw nawi leh a dang te) zawng zawng chu Central Pollution Control Board-in kaihhruaina a siam anga paih tur a ni. (www.cpcbenvis.nic.in/pdf/BMW-GUIDELINES-COVID_1.pdf)

Aizawl Municipal area chhungah chuan CCC Waste hi disinfect a nih hnuah a paih dan bialtu CMO in a ngaihtuah ang.

Aizawl pawn lamah chuan bawlhhlawh paihna khur (Burial pit) siama, bawlhhlawh te chu tih thianghlim a nih hnuah khurah chuan paih tur a ni.

DISCHARGE DAN TUR:

Health & Family Welfare Department, GoM-in 31stOctober 2020-a Notification No. D.33011/25/2020-HFW(nCOV)/Sat(A)-a Revised Discharge Protocol for COVID patients, a tih chhuahin a sawi angin test leh discharge hi kalpui tur a ni. A hnuai a mi ang hian: 

CCC-a positive awm te chu COVID-19 an vei tih finfiah a nih atanga ni 10(sawm) chhung uluk taka enthlak (observe) an ni ang. Ni 10 ni ah RAgT (Rapid Antigen Test) tih tur a ni.

Ni 10 ni a RAgT result hi a negative chuan COVID-19 hri kai hi chhuah tir (discharge) theih a ni a, amaherawhchu a chhuah atanga ni 7 chhung chu in lamah uluk takin a inkhunghrang (strict home quarantine) chhunzawm ngei ngei tur a ni. Hetia a in khunghran chhung hian enkawltu bik a nei ngei ngei tur a ni.

Ni 10 ni a RAgT result hi a la positive chuan COVID-19 hri kai chu ni 4 dan 

zelah RAgT tih tur a ni. RAgT result a negative hnuah chauh chhuah tir (discharge) theih a ni ang a, amaherawhchu a chhuah atanga ni 7 chhung uluk takin a inkhunghrang (strict home quarantine) chhunzawm ngei ngei tur a ni.  Hetia a in khunghran chhung hian enkawltu bik a nei ngei ngei tur a ni.

RAgT result hi ni 20 (Sawmhnih) naah pawh a la POSITIVE chuan a enkawltu Doctor ten Cosultant for CCC/District Core team for COVID Treatment an rawn ang a, an ni hian a tul angin Zoram Medical College-a Core Team te an rawn leh ang a, kalpui zel dan tur an rel ang. (Aizawl District bik tan chuan enkawltu Doctor-in a tul dan a zirin Consultant Team/Zoram Medical College Core Team te a rawn ang). Chhuah tir a nih hnuah  ni 7 dang chu an in lamah uluk takin  a inkhunghrang( strict home quarantine) chhunzawm ngei ngei tur a ni.

Test leh Discharge kalpui dan turah sawrkar-in inkaihhruaina a chhuah thar apiang hman tur a ni.

DISINFECTION of CCC:

CCC-te hi COVID-19 veite awmna a nih avangin uluk taka tih thianghlim hi a pawimawh hle a. A hnuaia kaihhruaina ang hian CCC room zawng zawng te chu nitin tih fai thin tur a ni.

Covid-19 positive awmna hmun:

Bang,  pindan daidanna (wall divider), kawngkhar: Nitin 1% Sodium hypochlorite solution in vawi 1 tal hruk thin tur a ni. A fai lai ber atanga tanin, a bal lai berah tawp thin tur a ni. Puanchhia hmangin kuta hruk mai tur a ni.

Thir lam chi, tuiek thei a awm chuan Isopropyl Alcohol hman tur a ni.

Chhuat: A theih hram chuan hmunphiah hmanga phiah loh tur a ni. Nitin 1% Sodium hypochlorite solution-in chhuat nawhna (floor mop) 

emaw puanchhia hmangin kuta hruk fai mai tur a ni. A fai lai ber atanga tanin, a bal lai berah tawp thin tur a ni.

Khum:Positive mutbu te hi thin (Shake) loh tur a ni. Khum hi thir lam chi a siam a nih chuan  Isopropyl Alcohol hmanga tih fai tur a ni.

Inthiarna hmun (Toilets):

Inthiarna hmun (Toilet) ti fai tur hian tih faina hmanrua hran hlak hman tur a ni.

Toilet leh a chhung tih fai nan hian 1% sodium hypochlorite emaw detergent dangte hman theih a ni.

Toilet hi thianghlim lo/hlauhawm bik (Highly contaminated) a ni a, heng hmun ti thianghlim tur hian phuhna(spray) lam chi reng reng hman loh tur a ni.

Commode bik ti fai tur hian toilet brush, a fawng sei hman ngei ngei tur a ni.

Thir lam chi, tuiek thei a awm chuan Isopropyl Alcohol hmanga tih fai tur a ni.

Hmanrua leh bungrua:

Thawktu zawng zawngin disinfection an tih dawn chuan PPE – N95/Triple layer mask, gloves an hmang ngei ngei tur a ni. 

Gloves bun hma leh phelh hnuah kut fai taka sil tur a ni.

Hmanrua tih faina leh tih fai dan/hun :-