Mizoram Social Welfare Department hnuaia Child Development Project Officer (CDPO) te tan a nihnih awh tur 2 Days Sensitization Workshop on Children & AIDS chu vawiin khan Social Welfare Department Conference Hall ah tan a ni.
Hawnna inkhawm ah hian Social Welfare Department Director Pu. Vanchungnunga chuan thusawiin, khawvel changkang chho zel ah natna hrang hrang ten hmun an khuar mek a, Mizoram pawhin heng natna te hi huaisen tak a hmachhawn a, a theih ang chen chen a kan ram a hmun khuar lo tura kan dang tlat a pawimawh a ni a ti. Pu Vanchungnunga chuan CDPO te chu mizo mipui te tan a hna pawimawh tak thawktu an nih angin HIV chungchangah pawh thawh tur leh tih tur hrang hrang te zir chiang a Mizoram tan a tha thlah lova thawk turin a chah.
MSACS Deputy Director DR. Rohmingthanga Ralte kaihhruai training ah hian mithiam ten naupang te enkawlna a HIV leh a kaihhnawih a hriattur pawimawh tak tak zirtirna hun ni 2 chhung hian an hmang dawn a ni.
MSACS Deputy Director DR. Rohmingthanga Ralte kaihhruai training ah hian mithiam ten naupang te enkawlna a HIV leh a kaihhnawih a hriattur pawimawh tak tak zirtirna hun ni 2 chhung hian an hmang dawn a ni.
