Vawiin chawhma khan Village Council Seminar-cum-Training, A & C  Auditorium, Lunglei ah neih a ni. He Seminar-cum-Training hi Pi M. Zohmingthangi IAS, Lunglei Bawrhsap in a kaihruai a, V/C dinhmun pawimawh zia sawiin he training atang hian V/C te chuan hmasawnna an neih ngei a beisei thu a sawi.

He Seminar hmanpuitu Pu Lal Thanhawla, Mizoram Chief Minister chuan thu sawiin rorelna dik leh fel awm turin tun sorkar chuan theih tawp a chhuah mek a ni, a ti a. Sorkar policy leh thil tum tih hlawhtlin tum lo chu an thawhpui theih dawn loh thu sawiin sorkar thawhpui theuh turin V/C kalkhawm leh sorkar hnathawk kalte chu a ngen. A chhe lai siamthatu nih theuh kan tum tur a ni a, BPL list leh NREGS-a job card-a dik lo tam takte pawh kan ti dik tur a ni a ti. Pathian ruat hruaitu atan a thlan kan nih angin min ruattu duh angin hna kan thawk tur a ni tih sawiin, discipline leh hun vawn dik hi sorkar chuan a ngai pawimawh dawn a, retheite chhanchhuah beihpui thlak hi kan programme ber a ni a ti. Sorkar chuan NLUP changtlung zawka kalpui a tum thu  sawiin, thil kal tawh theihnghilhin a chhe lai siamtha tu nih theuh i tum ang u, a ti bawk.