No.2835/2021-2022
Dated Aizawl, the 1st November, 2021: Vawin khan sawrkar laipuia Ministry of Rural Development Secretary Pu Nagendra Nath Sinha chuan India ram state paruk (6) a Start Up Village Entrepreneurship Programme (SVEP) hnuaia CRP-EP training chhhuakte kawmna hun leh Certificate hlanna hun a hmanpui.

He huna Certificate dawngte zingah hian Serchhip District SVEP hnuaia CRP-EP mi 14 an tel a, Mizoram bakah Rajasthan, West Bengal, Bihar, Gujarat leh Madhya Pradesh CRP- EP training chhuakte chu MoRD Secretary chuan video conferencing hmangin kawmna hun a nei a, harsatna an tawh dante leh an hmachhawpte a sawipui a ni.

He hunah hian Pi H. Lalchhandami, CEO, Mizoram State Rural Livelihoods Mission chuan Mizoram team hi hovin SVEP Mizoram report a pe a. SVEP Serchhip District hnuaia CRP-EP te hian thingtlang sumdawnna nei 245 pui mekin loan pawh CEF loan nuai 48 leh Bank loan nuai 7 pek chhuah tawh a ni.

He hun hi Serchhip atang pawhin Pu Malsawmtluanga, MCS, Project Director, DRDA Serchhip leh Pu Stephen Auhmun, APO Serchhip te chuan NIC Video Conferencing hall atangin an lo zawm ve a. CRP-EP te Graduation Certificate hlanna neih nghal a ni.