911/2023-2024

Lunglei the 24^th June, 2023 - Tui hna humhalh leh ruahtui khawl chungchanga Sawrkar Laipui hmalakna JAL SHAKTI ABHIYAN: CATCH THE RAIN 2022 a Central Nodal Officer Shri Mustaq Ahmad, Director, Ministry of Mines, Govt of India leh Shri Ashwin, Scientist B, Central Ground Water Board, Central Region (CR), Nagpur te chuan tun kar chhung khan Lunglei District-a hmalakna an rawn enfiah a ni.

Inspection hi June ni 22 atanga June ni 24 inkar ah neih niin District chhung hmun hrang hranga tui hna humhalh kawnga hmalak dan te, check dam sak te, tuihna siamtu thing phun belh (afforestation) leh Solar pumping hmalaknate leh Village Water & Sanitation Committee-te hmalaknate an enfiah a. Pukpui, Serkawn, Zobawk, leh Buarpui ah te inspection hi neih a ni.

Heng an inspection-a an thil hmuhte leh Lunglei District-a tuihna humhalhna kawnga tha zawka hmalak tul an tih te sawiho turin vawiin khan Lunglei DC Pi Ramdinliani hovin a office chamber-ah meeting neih a ni a. Central Nodal Officer te bakah kaihhnawih Department official-te an tel a ni.

Central Nodal Officer-te hian Lunglei District-ah tuihna humhalh leh ruahtui khawl kawnga hmalakna hrang hrangte an hmuh chinah tha thawkhat an tih thu leh hmalakna uar leh chak zawka kalpui a tul thu an report a. Kan tui chhia leh thli paih dan tun aia kan uluk zawk a tul thu te leh in tinin soak pit neih a tul takzet tih an hmuh thu te an report a. Heng kawngah te kan fimkhur loh chuan kan hriselna pawh thui takin a nghawng theih thu an sawi a ni. Tin, Department hrang hrangte thawhhona tha tak an hmuh thu leh hun lo kal zel turah pawh Department-te tangrual tak Convergence a hna kalpui tura an duh thu an sawi a ni.

Central Nodal Officer-te hian Sawrkar Laipui ah report an thehlut anga, October thla ah Lunglei an rawn kal leh dawn a ni.