Vawiin chawhma dar 10:300Am khan  a tum 3 nan Siaha RD Block hnuaia JSA hnuaia hmalakna te a hmunah enfiah hmain DC Conference Room-ah JAL SHAKTI ABHIYAN  hnuaia hmalakna te thlir hova meeting neih a ni.

Meeting hi Pu K.Vanlalthiana, Bawrhsap in  akaihruaiin, Central team member:  Pu Lalsanglur, Central Prabhari Officer for JSA leh Economic Adviser, Ministry of Chemical and Fertilizer,GoI , Pu Manik Chandra Pandit,Deputy Secretary,Ministry of Rural Development leh Dr.Sanjay Kumar,Scientist E, National Institute of Hydrology te hova neih a ni.

JSA hi India ram tui harsat zualna district 256 thlanchhuah te a kalpui a ni a. Mizoram State atangin Siaha District hi JSA beihpui thlakna tura thlanchhuah district zingah a tel ve a ni.

JAS beihpui hi Phase hnih(2) a kalpui a ni a.  Phase-I na hi Monsoon lo kal lam dawng State leh UT-ah te July ni 1 atangin September ni 15 chhunga kalpui a ni a. Phase-II hi Monsoon letlam dawng State leh UT-ah te October ni 1 atanga November ni 30 chhunga kalpui tur a ni thung.

JAS hi District leh State a concern official te leh Central sawrkar a Officer leh  Scientist te  nena thawk hova kalpui  a ni a.JSA beihpui hi interventions 5 duanchhuah zulzuia kalpui a ni.

DC's Conference room-a meeting neih zawhah hian Siaha RD Block hnuaia JSA hnuaia hmalakna hrang hrang te a hmunah Central team te hian an tum 3-na turin an tlawh nghal a ni. Naktukah Tipa RD Block hnuaia hmalakna te an tlawh chhunzawm leh dawn a ni.

Vawiin JSA meeting-ah hian Head of Office te,MJA member te, Tlawmngai pawl hrang hrang aiawh te,Joint VC aiawh te leh sawmbik mi pawimawh dang te an telkim hle a ni.

Attachment

  • Loading attachment...