FCS&CA etc. Minister leh Kolasib bialtu MLA ni bawk Pu K Lalrinliana chuan vawiin khan kolasib DC Conference Hall ah kolasib a District Officer te a kawm.

He hunah hian Minister chuan Kolasib ah Department hrang hrang enkawl turin Officer tha tak tak an awm tih tarlangin hmalak belh na tur erawh ala tam hle a, Kolasib District hmasawn nan theihtawp chhuahpui turin a sawm.
Department hrang hrangin hmalakna tur hrang hrang hmachhawp an nei thei a, chutiang chu ruahmanna felfai tak siamin Sawrkar a thlen thin turin a chah a, a theihna zawnah hma alo lakpui thin tur thu a tarlang bawk.

Kolasib bialtu MLA chuan Kolasib khawpui chhung ah kawng hrang hranga kalphung felfai zawk a awm theihnan Town Planning and Development Committee kum 2005 a din chu tha thara kalpui a nih tur thu a sawi a, hmalakna tur te survey nan Sawrkar in cheng nuai 30 a pek thu a sawi a, hlawhtling taka hmalakna a awm theihnan a kaihhnawih tur Department hrang hrang hotute chu thawhpuiah a sawm a ni.

Bawrhsap Pu Zoengsanga chuan Minister te chu rorel khawla thu an nih thu tarlangin thil rel tur chi hrang hrang Sawrkar hma a chhawp chu Sawrkar hnathawk te mawhphurhna ani ati a kolasib District hmasawn nan ngaituahna seng turin a sawm bawk a ni.

He hunah hian kolasib a Department hrang hrang hotute an Kalkhawm a ni.