Supreme Court-in India rampuma Public Distribution System (PDS) enthlithlai tura thu a pek angin Central Vigilance Committee chuan an Chairman Justice D.P. Wadhwa hovin state hrang hrang an tlawh kual a, vawiin khan Aizawl an rawn thleng a ni. Committee member te hi Mizoram Chief Secretary aiawh mek Pu C. Lalsawta, Aizawl D.C. Pu C. Thanchhuma leh FCS&CA Department hotuten lo hmuakin vawiin tlai dar 3:30 khan State Guest House Conference Hall-ah meeting pawimawh tak an neipui nghal a ni.
Central Vigilance Committee Chairman Justice D.P.Wadhwa chuan thusawiin India rama PDS hnuaia buhfai leh thildang sorkarin a pek thin 50% chu hralh ruk hlauhthawnna a awm avangin Supreme Court-in Committee hi state tinah tirin thil awmdan zirchiang turin thu a pe a ni, a ti. Mizorama PDS kalpui danah thil fello an rinhlelh avanga lo kal ni lovin harsatna an neih sutkianpui an duh vanga lo kal zawk an nih thu a sawi bawk.
Principal Secretary, Finance leh Planning Dept enkawl mektu Pu C. Lalsawta chuan Committee memberte lawmna thusawiin PDS chungchangah Mizoram dinhmun chu state dangte nen a inang lo hle a, sorkarin man tlawm zawka a hralh a bikin buhfai chu BPL leh chhungkaw harsa zawk mai ni lo, mi vantlang pawhin an rin avangin PDS hnuaia buhfai kham a har a ni, a ti a. PDS chungchangah Mizoram chu felfai thawkhat a nih thu sawiin Pu Lalsawta chuan transport man a san avang leh Mizoram chu buhfaiah a intodelh loh avangin harsatna an tawh fo zawk thu a sawilang bawk.
He meeting-ah hian FCS&CA department hotuten harsatna an tawh hrang hrangte chu Committee hnenah an thlen a, chung zingah chuan FCI atanga Rs.15 crores an hmuh tur la tihfel loh thu te, APL tana buhfai pek a tam tawk loh thu leh transport subsidy chungchanga harsatna an tawh te an tarlang a ni.
Principal Secretary, Finance leh Planning Dept enkawl mektu Pu C. Lalsawta chuan Committee memberte lawmna thusawiin PDS chungchangah Mizoram dinhmun chu state dangte nen a inang lo hle a, sorkarin man tlawm zawka a hralh a bikin buhfai chu BPL leh chhungkaw harsa zawk mai ni lo, mi vantlang pawhin an rin avangin PDS hnuaia buhfai kham a har a ni, a ti a. PDS chungchangah Mizoram chu felfai thawkhat a nih thu sawiin Pu Lalsawta chuan transport man a san avang leh Mizoram chu buhfaiah a intodelh loh avangin harsatna an tawh fo zawk thu a sawilang bawk.
He meeting-ah hian FCS&CA department hotuten harsatna an tawh hrang hrangte chu Committee hnenah an thlen a, chung zingah chuan FCI atanga Rs.15 crores an hmuh tur la tihfel loh thu te, APL tana buhfai pek a tam tawk loh thu leh transport subsidy chungchanga harsatna an tawh te an tarlang a ni.
Central Vigilance Committee member te chu :
1. Hon’ble Mr. Justice D.P.Wadhwa - Chairman
2. Pu Dayan Krishnan - Head of Legal Team
3. Pi Meenakshi Chauhan - Member
4. Pi Naomi Chandra - Member
5. Pu Shohit Chaudhry - Member
6. Pu TVS Raghvendra Sreyas - Member te an ni.
Attachment
- Loading attachment...
