Ni 24th September 2009 tlai dar 3:00 khan UD&PA Minister Pu Zodintluanga chuan Aizawl khawpui chhunga garbage trailer awmna veng Village Council aiawhte a office chamber-ah a kokhawm a. Aizawl khawpui hmun hrang hranga bawlhhlawh paihna garbage trailer te chuan khawpui hmun laili lai a luah avangin khawpui hmelhmang a titawp hle mai a. Chuvang chuan Garbage Trailer khawpui chhung hmun hrang hrang a dah hi tihtawp nise tih an rel a, khawlaia bawlhhlawh paih mai mai hi tun aia khauh zawka kenkawh a, a hremna dan sawrkarah thlen nise tih te, Aizawl khawpuia cheng mipuiten bawlhlawh paih dan mumal zawk an neih theihna tura inrawnkhawmna an nei a ni.
He inrawnkhawmnaah hian Minister Pu Zodintluanga chuan VC hrang hrang kalkhawmte chu anmahni veng theuh a chhungkaw hrang hrangin bawlhhlawh an neihte chu a veng chhung miten buaipuia, a paihdan pawh an lo ngaihtuah thei em tih te a sawipui a. Sawrkar-in anmahni puihbawmnan financial support pek dan a awm em tih te an sawikhawm a ni.
Minister hi Pu P. Lianhrima, Secretary UD&PA, Pu P. Lalchhuanga, Director, UD&PA leh Pu Lalthawmmawia, Jt. Director UD&PA ten an tawiawm a ni.
Minister hi Pu P. Lianhrima, Secretary UD&PA, Pu P. Lalchhuanga, Director, UD&PA leh Pu Lalthawmmawia, Jt. Director UD&PA ten an tawiawm a ni.
