No.3619/2021-2022

Dated Aizawl, the 10th January, 2022: Sawrkar laipui hnuaia Central Public Sector Enterprise te zinga mi Central Warehousing Corporation (CWC) hotute chu an Regional Manager Pu Binay Chirania hovin Lungleiah an rawn kal. CWC hotute te nen hian vawiin chawhnu khan Lunglei DC Pu Kulothungan A chamber-ah meeting neih a ni.

Central Warehousing Corporation (CWC) te hian Corporate Social Responsibility (CSR) kaltlangin Lunglei District chhungah Anganwadi panga chei that nan Cheng nuai 6.50 nikum khan anlo pe tawh a. Heng anganwadi chei that panga - Pukpui I, Pukpui II, Lungpuizawl Il, Bazar Veng III leh Rahsi Veng I Centre te hi a hmunah an tlawh bakah District chhunga CSR kaltlanga hmasawnna hna thawh theih te Lunglei DC Pu Kulothungan A hovin an ngaihtuah ho a. Tun dinhmunah Anganwadi Centre sawmhnih panga (25) dang CSR kaltlanga chei tha leh tura ruahmanna kal mekin CWC hotute pawhin he project hi tih hlawhtlin ngei an tum thu an sawi.

Lunglei DC Pu Kulothungan A chuan Central Warehousing Corporation (CWC) atanga Corporate Social Responsibility (CSR) Cheng nuai 6.50 dawn chu tangkai taka hman anih thu leh kawng hrang hranga District ti hmasawn turin CSR mamawh belh anih thu CWC hotute hnenah hian alo thlen a ni.