3219/2023-2024

Aizawl, the 4th of January, 2024 : Vawiin chawhnu dar 2:30 khan Pu Lalnghinglova Hmar, Minister of State, Excise and Narcotics Department leh Central YMA hruaitute chu MINECO-a a office chamber-ah an inhmukhawm a, ruihhlo do chungchanga hmalak dan tur an sawiho.

Excise and Narcotics Dept. Minister chuan Mizoram ah ruihhlo chu nasa zawka do ngai, thalaiten kan thihpui nasat, a la dam a ten kan tahpui bawk a nih thu a sawi a. Ruihtheihthil chi hrang hrang, a bikin heroin do na kawngah chak zawka hmalak a ngai tih a sawi.

Minister chuan Central YMA leh mipuite thlawpna nena tanghovin hlawhtling taka ruihhlo do an kalpui theih a beisei thu a sawi bawk.

Central YMA hruaituten Minister hi hma an lak tawh dante hrilh hria in tuna ruihhlo do kawnga an dinhmunte an sawi a. Sorkar nena tangkawpin chak zawk leh zau zawka hma an lak zel theih dan turte sawihovin ruahmanna siam theih dan turte an thlen a ni.

He meeting-ah hian Central YMA lam atangin President Pu Lalhmachhuana, General Secretary Prof. Malsawmliana, Asst. Secretary Pu Fabian Lalfakawma, Treasurer Pu Roneihthanga leh Finance Secretary Pu MS Ralte te an tel.