Vawiin tlai khan CEO Pu Ashwani Kumar leh District pariata DC leh SP te chuan CEO office ah tun thla tawpa MLA inthlan lo awm tur atana inpuahchah dan an thlir ho a, inthlanna kaihnawih thil chi hrang hrangte an sawi ho bawk a ni. CEO hian District tin te DC leh SP te chu an District dinhmun, inthlanna atana an inpuahchah dan, inthlan kaihnawih ruahmanna hrang hrang an kalpui dan leh dan leh thupek dinhmun te a thlirpui. Meeting-ah hian Electoral Roll chungchangte, Voter Verified Paper Audit Trail (VVPAT) chungchangte, Flying Squad chungchangte, Postal Ballot Plan chungchangte, Polling Team chungchangte leh silai tun chungchangte an sawiho.

Security Deployment Plan duan tawh chu pawm a la nih loh thu sawiin Pu Ashwani Kumar chuan Election Commission of India hotute chuan he Plan hi a la ennawm dawn avangin DC leh SP te chu inthlanna atana security force an mamawh belh chuan Election lamah thlen turin a chah. CEO hi Jt. CEO Pu H. Lalengmawia leh Asst. CEO ten an tawiawm a ni.