Vawiin hian Lawngtlai District huam chhunga kumin inthlanna lo awm tur atana Presiding Officer leh Second Presiding Officer a ruat zawng zawng ten Government Region Higher Secondary School ah training an nei.

Vawiin bik hian Presiding Officer te leh Second Presiding Officers ten chawhma lamah Vote thlakna khawl (EVM) khawih vel dan leh enkawl dan a taka khawih chungin an zira, chawhnu lamah inthlanna hmun atana Polling Station buatsaih dan (Polling Process) an zir ve leh thung a ni.

Vawiina training te hi mi 191 lai an nih avangin pawl pathumah then an ni a, chung pawl hrang hrangte chuan room hrang theuhah an zir a ni.

He Presiding Officer trainingah hian Hall No 1 ah Pu L. Rinliana, MCS, SDO Chawngte in a zirtira, Hall No 2 ah Pu. Vanlalchhuanawma, MCS, SDC Lawngtlai leh Pu Lalremruata Kullai, MCS, BDO Bungtlang South in an zirtira, Hall No 3 ah Pu C. Lalsangluaia, MCS, SDO, Sadaar, Lawngtlai leh Pu VL Remliana, MCS, EO Lawngtlai District ten an zirtir thung a ni.

He training hi naktukah pawh chhunzawm leh tur ani a, naktuk ah hian First Presiding Officers leh Third Presiding Officers ten an nei ve thung ang.