Ni 29 October, 2013 khan Lawngtlai District Magistrate Pu J. Hmingthanmawia, MCS, District bawrhsap ni bawk chuan inthlanna kalpui laia Lawngtlai District chhung a lo thianghlim zawk nan a hnuai a mi ang hian thupek a ti chhuak.
1) Mi tumahin mipui vantlang awmkhawmna hmunah zu an in tur a ni lo. Mipui vantlang awmkhawmna tih hian Bazar, Hall, Kawtthler, Mualzawl leh Political Party in Public Meeting an neihna hmunte a huam vek ang.
2) Mipui vantlang awmkhawmna hmunah Zu rui chungin tumah an kal tur a ni lo.
3) Tumah Zu rui chungin Public Transport – Bus, Maxi Cab, Taxi leh lirthei dangah te an chuang ve tur a ni lo.
He thupek hian chhuah a nih atanga thla 2 chhung a huam ang.
