Vawiin khan Chief Electoral officer Pu S.b. Shashank, IAS chuan a office chamber ah Mizoram state inthlanpui 2018 atan SVEEP (Systemic Voters Education and Electoral Participation state Icon Pu S.Malsawmtluanga a kawm a. Inthlanpui lo awm tura mipuiin hlawhtling taka vote an thlak theih nana thawhho dan tur sawipuiin “agreement” a ziahpui a ni.

SVEEP Chairman, Pi Lalzarmawii IAS, Addl. CEO leh SVEEP member PI Lallianpuii, MIS, Joint Director Information & Public Relations leh Pu Malsawmzuala, MCS, Asst. CEO te he hunah hian an tel bawk a, SVEEP thil turte sawi hovin India khua leh tui ten an voting right diktaka an hman theih nana tan lak a tul thu sawiin vote nei zawng zawng chu November 28 lo awm tura vote thlak vek turin a sawm a ni.

SVEEP hi Mizoram kum 2013 inthlanpui ah khan tan alo ni tawh a. Khami tum khan campaign hlawhtling taka neih a ni in ram pumah vote thlaktu an tha hnem  phah hle a. Voter percentage hi 83.41 a ni. SVEEP hian thalai te, rualbanlo te, Service voter te leh kum upate an awmna hmun apianga vote thlak  turin tan a la thin a, hei hian rah tha tak chhuahin tun tum inthlanah pawh hian voter percentage tha tak a awm leh ngei beisei a ni.