Vawiin chawhnu khan Kulikawn YMA Hall-ah 24th Batch Health Worker Training zo mi 38 hnenah Certificate hlanna neih a ni. Dr Ramfangzauva Medical Officer chuan inkhawm kaihruaiin, Dr N Pallai, Director of Health Services chu khuallian a ni. Khuallian chuan Training zote vanneihzia sawiin hnathawh turin a hmuah nghal thu leh thingtlanga awm tur an nih thu te a sawi a, an thiamna te ti hmasawn zel tur a fuihin Zoram hriselna thu ah mipuite kutke ber an nih zia leh thingtlangah kum 4-5 vel tal awm tur a inhuam turin a fuih bawk a ni. Khuallian hian Health Worker Training chhuak te hnenah Certificate hlanna a nei nghal bawk a ni.
Health Worker Training School hi kum1958 a din a ni a. He Training School atang hian Health Worker mipa 390 leh hmeichhia 350 in pass chhuak tawhin, an zinga mi 13 te chu Missionary-ah an chhuak tawh bawk a ni.
He hunah hian Directorate of Health Services atangin officer engemawzat an tel bakah MHIP Hqrs President leh Mizoram Health Multipurose Association ni bawk Pi Lalthlamuani pawhin thusawina neiin duhsakna a hlan nghal bawk a. Pi Zothankimi, Tutor chuan lawmthu sawina neiin hun a khar a ni.
He hunah hian Directorate of Health Services atangin officer engemawzat an tel bakah MHIP Hqrs President leh Mizoram Health Multipurose Association ni bawk Pi Lalthlamuani pawhin thusawina neiin duhsakna a hlan nghal bawk a. Pi Zothankimi, Tutor chuan lawmthu sawina neiin hun a khar a ni.
