Vawiin khan Chief Minister Pu Lal Thanhawla chuan Chanmari Veng Lunglei-ah Divisional Horticulture Office a hawng.
Chief Minister chuan kut hnathawktute enkawltu Horticulture Department Divisional Office hawn theih a ni chu lawmawm a tih thu sawiin kut hnathawktute tel lo hian ram hmasawnna a kal thei ngai lo a ti a, kan ei leh bar intodelhna kawngah kut hnathawktute hi an pawimawh ber a ni a ti. Mizote chu kristian zaa za inti, kristianna hmuh tur tlem si kan ni a ti a. Biak In chauhah ni lo kan hnathawhna hmun theuhah kan kristianna kan tihlang thei a ni a ti. Kan khawtlang nun tlu chhe tawh tak hi kan hnathawhnaah thahnemngaihna a tlem avang te, kut tling lova sum lakluh kan tum avangte leh kan nitin hnathawh kalphung a dik tawk loh vang te a ni a, chuvangin a siamthat hna hi mitin mawh a ni a ti. Hetiang dinhmuna ding kan nih avangin Chief Minister chuan diklo lai leh fello lai haichhuaka rorelna tha, rorelna fel, rorelna dik leh rorelna thianghlim neih kan tum tlat a ni a ti.
NLUP chungchang a sawiah Pu Hawla chuan Central sorkar hotuten tha min tihpui avangin India ram hmun dangah hman ve an duh a, chuvangin tihhlawhtlin ngei an tum avangin siamthat ngaite an siamtha a. Hetia rawn enchhin an tum takah chuan kan kalpui tum angin kan kalpui thei ta mai lova. A dawngtu turte rilru pawh siam hmasak leh training-te pek a ngaih dawn avangin kan kalpui zung zung thei lo a ni a ti.
Chief Minister chuan Mizoram chhim lam chu sumdawnna kawtchhuah a la ni mai dawn a ni a ti a, tunah hian Central sorkar-in Asia chhim chhak ramte nena insumdawn tawnna tha a awm theih nana Look East Policy-te pawh a hmang hmasa pawl tur an la ni thei a ni a ti a, tunah hian Myanmar kaltlangin Kaladan Multi Modal Transport Project pawh bultan thuai a ni ang a ti.
Hawnna inkhawmah khual zahawm Pu H.Liansailova, Horticulture Minister pawhin thu sawiin Pathianin ram min pekah hian eizawnna ngelnghet kan siam thei a ni a ti a, kan neih ang te a tlem emaw a tam emaw rinawm taka kan hman chuan kan hlawhtling thei a ni a ti. NLUP dawn tur ten an dawnsawn tum danah siamthat ngai a awm avangin an muanchan phah a ni a ti a. Eizawnna ngelnghet tuchhuan thlengina an innghahna tur NLUP hmang hian mi rethei kut hnathawktute kan chhanchhuak dawn a ni a ti.
He Divisional Horticulture Office hawn tak hi Agriculture Department atanga an indan kum 1993 khan a lo ding ve nghal a, a building hi July ni 24, 2002 khan bultan a ni a. Mizopa chhiara chhawng thum 4320sq.ft.-a lian a ni. A sakna senso zawng zawng hi Rs.25.33 lakhs a ni a, tunah hian staff 27 an awm mek a ni.
NLUP chungchang a sawiah Pu Hawla chuan Central sorkar hotuten tha min tihpui avangin India ram hmun dangah hman ve an duh a, chuvangin tihhlawhtlin ngei an tum avangin siamthat ngaite an siamtha a. Hetia rawn enchhin an tum takah chuan kan kalpui tum angin kan kalpui thei ta mai lova. A dawngtu turte rilru pawh siam hmasak leh training-te pek a ngaih dawn avangin kan kalpui zung zung thei lo a ni a ti.
Chief Minister chuan Mizoram chhim lam chu sumdawnna kawtchhuah a la ni mai dawn a ni a ti a, tunah hian Central sorkar-in Asia chhim chhak ramte nena insumdawn tawnna tha a awm theih nana Look East Policy-te pawh a hmang hmasa pawl tur an la ni thei a ni a ti a, tunah hian Myanmar kaltlangin Kaladan Multi Modal Transport Project pawh bultan thuai a ni ang a ti.
Hawnna inkhawmah khual zahawm Pu H.Liansailova, Horticulture Minister pawhin thu sawiin Pathianin ram min pekah hian eizawnna ngelnghet kan siam thei a ni a ti a, kan neih ang te a tlem emaw a tam emaw rinawm taka kan hman chuan kan hlawhtling thei a ni a ti. NLUP dawn tur ten an dawnsawn tum danah siamthat ngai a awm avangin an muanchan phah a ni a ti a. Eizawnna ngelnghet tuchhuan thlengina an innghahna tur NLUP hmang hian mi rethei kut hnathawktute kan chhanchhuak dawn a ni a ti.
He Divisional Horticulture Office hawn tak hi Agriculture Department atanga an indan kum 1993 khan a lo ding ve nghal a, a building hi July ni 24, 2002 khan bultan a ni a. Mizopa chhiara chhawng thum 4320sq.ft.-a lian a ni. A sakna senso zawng zawng hi Rs.25.33 lakhs a ni a, tunah hian staff 27 an awm mek a ni.
Hawnna inkhawm hi he office building chung ber zawlah neih a ni a; Pu T. Sangkunga, Secretary, Horticulture, Govt. of Mizoram in a kaihruai a. Chief Minister hi a nupui Pi Lal Riliani bakah Pu H.Liansailova, Agriculture Minister; Pu Zodintluanga, I&PR Minister ; Pu NK Chakma, AH&Vety Minister; Pu Joseph Lalhimpuia, Vice Chairman, HPC Lunglei leh Pu S.Laldingliana, Parliamentary Secretary ten an tawiawm a ni.
