Planning & Programme Implementation Department buatsaih Certificate Program in Entrepreneurship kharna chu vawiin chawhnu Planning Conference Hall-ah neih a ni. Planning Department Secretary Dr.C.Vanlalramsanga chu khuallian niin, Deputy Adviser cum Deputy Secretary Dr. Lalrinchhana chuan he hun hi a kaihruai a ni. 

Khuallian Dr.C.Vanlalramsanga chuan Entrepreneurship hi a zir a zir piah lamah mahni tawn hriat ngai tam tak a awm a ni, a ti a. Training hi bultan nana hmang turin leh hmawhmawh taka hlawhtlin tum lova bultanna ho te atanga hlawhtlinna liantham haichhuak turin leh midang tih ang zulzui nilo, mahni irawm chhuak ngei dinchhuahoui turin trainee te chu a chah a ni. 

Training chhunga trainee te tawnhriat leh an hlawkpui dan hrang hrang te ngaihthlak te a ni a, training chhuan mi 30 hnenah Khuallian chuan Certificate hlanna a nei bawk a ni.

Certificate Program in Entrepreneurship hi Entrepreneurship Development Scheme in thalai, a bikin School leh College chawlh hmang mek te tan Entrepreneurship Development Centre-ah a buatsaih a ni a, ni 18..6.2019 khan hawn a ni. Kar khat chhung awh niin, faculty hrang hrang ruaiin Introduction to Entrepreneurship, Design Thinking, MSMS, SWOT Analysis, Basics of Management, Accounting, Writing a Business Plan bakah subject pawimawh tak tak zirtir an ni. Entrepreneurship Development Centre hian EDS hnuaiah mahni ke a din tum te tan Training hrang hrang hawn belh zel a tum a ni.