Vawiin chawhnu dar 1:00PM khan A/C Hall, Lunglei-ah Programme for Certification function of Trainees under Step-up(SJSRY) neih a ni.
Hetah hian khuallian Pu R.Lalhmuliana Jt.Director, UD&PA Department, Aizawl chuan thusawina neiin vawiin a training chi hrang hrang te ka hmuh che u hian ka lawm a, in hma hun lokal zel turah pawh thei tawpa in thiamnate hmang chhunzawm zel tur leh a aia sang zawk pawh bei a ,chhungte chawm nan pawh tlak khawp a hmang tangkai zel turin khuallian chuan Training chhuak te a chah nghal bawk a ni.
Pu JH Zothankima,C.O pawh in report pe in September 2012 - Febuary 2013 Batch hnuhnung berah hian trade hrang hrang atangin zirlai 128 kan nei a, Tailoring atangin mi 34 ,Computer-27, Beauty Culture atangin mi 35, Two wheeler Mechanic -16,Hair cutting -4 ,Carpentry-3, Black Smith-2,Shoe Repairing-6,Sofa making-1, heng zingah hian hlawhtling taka zirchhuak mi 100 kan nei a ni, a ti. Heng hlawhting tak a zirchhuak te hi vawiin hian Certificate an dawng a, Certificate bakah Infrastructure support Rs. 700/- an dawng bawk a ni. Thla leh March 2013 hian Batch-12na tur tan a ni leh dawn a,trainees 159 nei thei turin an in buatsaih mek thu a sawi. SJSRY hi Central sponsor scheme a ni a,he scheme in a tum pawimawh ber chu khawpuia hna neilo emaw mahni phutawk aia hlawhte tana eizawnna hlawk zawk an neih theih na atan leh an mahni kutkawih ngeia ei an zawn theihna tur dinpui emaw in hlawhfakna ngaihtuah sak hi a ni.
SJSRY programme in a huam chinte chu khawpui a chengah pawh mirethei,a hun lai mil zel a Below Proverty Line(BPL) a tih chin te an ni. Kum 2007 June atanga Kum 2013 Febuary thleng hian Batch 11 nei tawhin zirlai 1400 an zir chhuak tawh a ni. Trainees te hi khawpui chhung hmun hrang hrang ah an Trade a zirin Training tir an ni thin a, an trainingna hmunah hian an hmasawn dan te leh an kal phung te enfiah reng a nih thin thu a sawi bawk.
Programme for Certification Function inkhawm hi Pu RL Zidinga, DUDO,Lunglei in kaihruaiin Pu Nghakliana Fanai chuan lawmthu sawina neiin kalkhawm te chu a tin a ni.
