Ni 19.2.2013 chawhma dar 11:00 khan West Phaileng Dinthar YMA Hall-ah Pu Lalrobiaka, MLA, Chairman ZIDCO ni bawk chuan Soil & Water Conservation Department hnuaia NLUP tanpuina 1st Phase 4th installment chhungkaw 137 te hnenah a sem a.

Pu Lalrobiaka, MLA, Chairman, ZIDCO chuan semna hunah hian thu sawiin NLUP hi mipui te khai kanna atana sorkar hmalakna pawimawh tak a ni a, a hlawhtlinna hi a dawngtute ah a innghat a, thahnemngai taka hnathawh nan kan hman chuan hlawhtlinna a awm a ni tiin tanpuina dawngtute chu rinawm tak leh taima tak a NLUP thil tum te ti hlawtling turin a fuih.

Rubber leh Hmunphiah chingtu heng khua - Damparengpui, Khawhnai, Tuirum, Phuldungsei, W. Phulpui, W. Phaileng, New W.Phaileng, Hnahva, Marpara Mizo Veng te tan pawisa faiin Rs. 20,09,300/- sem a ni a. Heng khua te atang hian hmunphiah 521 Qtls. thar chhuah a ni tawh.

NLUP semna hun hi Pu Lalrinzuala, R.O. West Phaileng, Soil & Water Conservation, Mamit in a kaihruai a, Department hotuten an tawiawm tha hle a ni.