State Level Fire Prevention Committee chuan mipuite hnenah ngenna a hnuai ami ang hian a siam :

Kan ram neih chhun hi Ramkangin a tihchhiat lohna turin mi tin hian mawh kan phur a, heng a hnuaia mite hi zawm theuh i tum ang u.

Sawrkar-in Khua/Ram chhunga Ramkang venna leh thelhna Dan a siam, The Mizoram (Prevention and Control of Fire in the Village Ram) Rules, 2001 hi zawm theuh tur a ni.

Lo/Leipui/Huan neitu zawng zawngin kan vah bak a kan loh nan Meilam zau tawk tak sial tur a ni a, Meilu Khai bawk tur a ni.

Sawrkar thuchhuak angin March ni 15 hmain Lo an hal ngei tur a ni a, Leipui leh Huan erawh chu February ni 15 hmain hal tur a ni.

Khawro laiin Meichher nunglai kengin mi tumah an ram chhuak tur a ni lova, ramhnuaiah mei timit lova kalsan tur a ni lo. Tin, ramhnuaiah leh kal kawngah meizial bung a nung chungin paih tur a ni lo.

Ramkang thelh mih mai theih chi kan hmu anih chuan kan thelh tur a ni a, kan thelh thei lo anih chuan khaw hnai ber VC/Tlawmngai Pawl/Forest/Police hnenah kan report thin tur a ni.

Ram Tikangtu kan hmu anih chuan kan man ang a, Police station hnai berah kan thlen tur a ni.

Ramkang ven leh thelh kawngah mi dangte zirtirtu nih i tum theuh ang u.