Children’s Film Society, India (CFSI) leh Directorate of School Education tangdunin 30th January, 2017 atanga 3rd February, 2017 inkar chhunga Film kutpui an buatsaih chu kar kalta zirtawpni khan zawh fel a ni. Film kutpui hi zirna in thlanchhuah 10- ah neih ani a, zirlai 7835 hnenah zirtir nei tha Film 30 chuang tihchhuah a ni.

Film kutpui hi Edenthar Government Primary School, Dawrpui Primary School leh Middle School, PC Girl’s School, Mary Mount School, Bawngkawn Primary School II, Govt. Zuangtui Middle School, Bethlehem Vengthlang Primary School I, Thiak Government Middle School, Aibawk Government Middle School leh MICE, Tuikual ah te neih a ni. Film kutpui neih chhung hian Quiz Competition neih thin a ni.

Children Film Society, India(CSFI) hian kan chenna khawvel hmachhawn dan tha leh kawng dik kawhhmuhna tur film hrisel leh hmuhnawm a tichhuak thin a, tawng chi hrang hrang 10-in film 250 chuang a tichhuak thin a ni. CFSI hi Asia chhimlamah chuan naupang en chi film tha tichhuaktu langsar ber a ni a, kum tin ram hrang hranga naupang maktaduai 4 chuang tan film tha an tichhuak thin a ni.