May 12 a Pu S.Laldingliana, Parliamentary Secretary, UD&PA hova Bus/Truck Terminal Management Committee thukhawm chuan Rangvamuala Ch.Saprawnga Truck Terminal chu June 1 atanga hman tan turin a rel a, Aizawl Municipal Council chu a enkawltu turin ruat a ni.

Truck Terminal hi a rualin truck 150 zet dah theihna tura zau niin parking, security, mamawh lamna dawr, restaurant, riahna leh recreation room nuam tak ruahman a ni dawn a. Parking fee, riah man leh ei man chawi a ngai ang a. Inter-state Bus Terminal atan hman tum a nih bawk avangin ticket counter, passenger waiting room leh facilities dangte dah turin ruahman a ni bawk.

Truck Terminal hi hman a nih dawn tak avangin Aizawl khawpui paltlang kawngpui NH 54 Bawngkawn-Sairang; Bawngkawn-Zemawbawk leh Bawngkawn-Durtlang kawngpui sirah Truck hun khap a ni tawh dawn a. Truck/Bus neitute leh mipui te pawh a tul anga lo inbuatsaih turin Aizawl Municipal Council chuan a ngen a. Hemi chungchanga thil hrechiang duh chuan Municipal hotute hnenah heng phone number ah te hian zawhfiah theih a ni :
        
        Office    -    2318160/2300062/2300063
        Mobile    -    986258870/9436142664/9436151110
                    9436154408/9436152808