No.1248/2020-2020
Aizawl, the 20th May 2020: Pi Esther Lalruatkimi, Commissioner & Secretary, Chaiman, Task Group on Quarantine Facilities chuan kan him tlan theihna tura Sawrkar hmalaknate tha taka an thlawp avangin a hnuaia tarlan ang hian Mipui, Kohhran leh VLTF/LLTF chungah lawmthu a sawi.
Covid-19 hri lêng laka kan ram a him theih nan leh invenna atan Sorkarin kawng hrang hrangin hma a la mek a, sorkar hmalakna pawh mipuiten kan tawiawm tha hle mai a,India ram state dangte fak khawpin thawhhona a tha a, a lawmawm tak meuh a ni.
He Covid-19 boruakin Mizoram a tuam tirh atangin State påwn atanga lo haw te himna tur leh kai palh an lo awm pawha midangin an kaidarh lohna tura Sorkar hmaläkna pawimawh tak pakhat chu Quarantine Centre uluk taka siam a khunghran ngaite khunghran leh uluk taka enkawl a ni a. He mi atan hian Sorkar hmunhma remchang apiang hman a ni a. Hun a lo kal zel a kan Mizo pui tam tak, State pawn a tangkhangte tan haw theihna remchang alo awm ta a. Heng lo haw mekte awmna tur atan hian a theih ang angin sorkar building leh vantlang hmunhma remchang ang angte dap belh zel a ni a. Khawsakna atana hrehawm lutuk lo tur hmun, toilet leh insilna mumal deuh tal an neih theih dan turte ngaihtuah a ni a. Chutih lai chuan kan hmunhma ten min daih thei dawn lova hriain kan Kohhran hruaitute hnenah an hmunhma te hman kan han dil ta hial a, inthlahrung taka kan dil laiin annin inhawng takin min lo dawngsawng a, an hmunhma tha ber ber te min hmantir nghal a. Mizorama Kohhran hrang hrang te- Mizoram Presbyterian Kohhran, Mizoram Baptist Kohhran, Salvation Army, Catholic Church leh United Penticostal Church te chungah Task Group on Quarantine Facilities te kan lawm em em a, Mizoram sorkar hmalaknaah nasa takin min pui a. Heng Quarantine Centre atana hmunhma min hmantirtu Kohhran leh Pawl hrang hrangte, Sorkar Department te, heng Quarantine Centre lo buatsaih a lo enkawl zuitu VLTF/LLTF te chungah pawh lawmthu kan sawi tak meuh a ni.
Hetianga sorkar, Kohhran leh Pawl hrang hrangte kan tanrual hi chuan kan ram hi Covid-19 lakah kan him thei ngei ang tih kan beisei.
