359/2026-2027

Lawngtlai, 3rd May 2026 : Furpui hmachhawn mek avanga leimin leh chhiatna thleng thei laka fimkhur turin a hnuaia mi ang hian Lawngtlai Bawrhsap leh Chairperson, Lawngtlai District Disaster Management Authority nibawk chuan hriattirna a tichhuak.

MIPUITE HNENA HRIATTIRNA

Furpui kan hmachhawn mekah Lawngtlai District -ah ruahsur avanga leimin leh chhiatna thleng thei chungchang ah mipuite chiai lo turin kan in hriattir a. Amaherawhchu mipuite ruah sur nasat avanga chhiatna nasa zawk thleng thei laka kan him theih nan fimkhur tur leh a hnuaia tarlan te hi zawm turin kan in hriattir e:

1. Leimin kal kawng emaw leimin mai thei hmun atangin a rangthei angber a inthiar fihlim tur a ni.

2. Mahni in leh a velah leimin hlauhawm a awm anih chuan Silpaulin-a khuh that tur a ni.

3. Kan in leh a chhehvel a tui luankawr (Side Drain) leh tui kawng te thenfai tur a ni.

4. Kan in leh lo a hin tawklo emaw lei min mai thei dinhmun a kan ding ni a kan hriat chuan hmun him lam zawk pana in saseng vat tur a ni.

5. Kawmchhak lei/lung tla mai thei lakah inthiar fihlim tur a ni a, kalkawng ah hetiang hmun kan tawh chuan hmun him lam pan vat tur a ni.

6. Insakna hmun emaw ko pang lei min maithei dinhmuna ding lak atang inthiarfihlim tur.

7. Electric ban tlu emaw hrui chat a awm in khawih loh tur a ni a, thuneitute hriattir vat tur a ni.

8. Leimin leh in chim palh a awmin chiai loh tur a ni a, hliam tuar emaw nunna chan an awm em tih thlithlai tur.

9. Leimin/in chim avanga hliam tuar an awm in nunna chan hlauhawm khawpa an awm a nih ngawt loh chuan mahni thua lo khawih chet loh tur a ni a, medical duty emaw thuneitu sang zawkte thu ngaihchan tur a ni.

10. Lui leh tui hmunah te kan kal anih pawhin fimkhur tur.

11. Thu dik tawklo leh thu belhchian dawllo theh darh loh tur a ni a. Lo thehdarh an awm chuan DM Act 2005 hnuai hremna dan ziak angin an chungah action lak a ni ang.

Khuarel chhiatna a lo thlen in District Emergency Operations Centre no 03835232026/9862305451 leh Police ERSS no. 122-ah te entik lai pawhin an biak pawh theih a, eng emaw vanga line a tlang theilo anih pawhin mahni bialtu Zonal Officers/ Incident Commanders a hnuaia tarlan te hnenah chhiatna thlen thu hriattir theih a ni.

Sd/-
Donny Lalruatsanga
Deputy Commissioner
& Chairperson
District Disaster Management Authority
Lawngtlai District: Lawngtlai