Aizawl the 18th September, 2014 : State Election Commission thupek angin Chakma Autonomous District Council hnuaia Village Councils inthlanna lo awm tur atana ruat Electoral Registration Officers-te chuan Draft Electoral Rolls vawiin ni 18.9.2014 hian an tichhuak a. He Draft Electoral Rolls hi Deputy Commissioner/District Election Officer, Lawngtlai office, Electoral Registration Officer office-ah te leh designated Polling Station-ah te en theih tura tarchhuah a ni. He Draft Electoral Rolls-a sawisel duh emaw thun thar tur neite chuan ni 18.9.2014 atanga ni 30.9.2014 thleng Electoral Registration Officer (ERO) emaw Asst. Electoral Registration Officer (AERO) leh Designated Officer-te hnenah dilna form a bika siam hmangin dilna thehluh tur a ni.

Chakma Autonomous District Council hnuaia Village Council Constituencies 83-a Draft Electoral Rolls tihchhuah ah hian vote nei thei mi 25795 an awm a, heng zinga mi 12,827 hi mipa an ni a, 12,968 hi hmeichhia an ni.

He Draft Electoral Rolls sawiselna leh thunluh belh dilnate chinfel hna hi ni 1.10.2014 - 17.10.2014 chhung hian neih ani ang a, ni 18.10.2014 - 25.10.2014 chhung hian Final Electoral Rolls buatsaih a ni ang. Ni 27.10.2014-ah Chakma Autonomous District Council hnuaia Village Councils inthlanpui, 2014-a hman tur Final Rolls chu tarchhuah a ni ang. Hemi hnu hian General Election Schedule chu puan a ni ang. State Election Commission chuan Electoral Rolls felfai leh tha kan neih theih ngei nan Political Party, NGO leh mitinte chu SEC leh Rolls siam hnathawktute zawng zawngte theihtawp chhuaha tawiawm turin a ngenin a sawm a ni.