Vawiin February 28, 2013 hian 8- Chalfilh (ST) Constituency Bye- Election, February 23-a vote tla chu chhiar a ni a, Results puan a ni a, INC Candidate Dr Ngurdingliana, Indian National Congress chuan Vote 7005 hmuin tlinga puan a ni. Amah hnaih bertu MNF Candidate Pu Lalvenhima Hmarin Vote 4171 hmuin vote 2834-in a pha lo a ni.

Chalfilh Constituency-ah hian Polling Station 29 awmin, voters 17054 an awm a. Vote tla zawng zawng hi 13703 a ni a, Candidate hrang hrang Vote hmuh dan chu hetiang hi a ni:-

1. Dr Ngurdingliana, INC - 7005.

2. Pu Lalvenhima Hmar,MNF - 4171.

3. Pu Lalhmangaiha Sailo,MPC - 1274.

4. Pu C. Lalchhandama, ZNP - 976.

5. Pu R. Lalrohlua Independent - 205.

6. Pu C. Ramkinlova BJP - 58

7. Pu D.K. Thanga LJD - 14

Vote chhiar zawh a nih hnu hian Central Sorkar mi tirh, Election Observer-in Resuls puan phalna a pek hnuin Pu A. Biaklawma, Returning Officer-in inthlan resuls hi a puang ta a ni.

Dr Ngurdingliana, M.L.A.-a thlan thar hi March 4, 2013 chhun dar 11 (11.00a.m) hian Speaker Pu R. Romawian rinawmna thu tiamtir-in MLA atan a lalut dawn a ni.