Chief Minister Pu Lal Thanhawla chuan nimin tlai khan Pune, Maharashtra ah Pune Mizo Welfare Association buatsaih Chapchar Kut a hmanpui.

Chief Minister chuan Pune a Mizo awm ten Chapchar Kut an buatsaih chu an fakawm hle a ni tiin, hetiang hmun hlaa midangte hmuh theih leh hriat tura Mizo hnamzia leh nunphung pholanga, Kut an buatsaih chu a lawmawm tak meuh a ni a ti a.

Pune a Mizo zirlaite, hna hrang hrang thawka awmte chu ringtu an ni tih hria a, englaipawha kristian tha tak ni reng turin a chah a. Hnamdang te tan entawn tlaka khawsa turin ei leh inah te insum a, zuk leh hmuamah te fihlim turin a fuih bawk a ni. Pune Mizo ten Pune ah Mizoram House sak ve nise tia ngenna an thlen chu Chief Minister chuan hei hi hun lokal zel tur thlirin ka la mamawh tur niin alang a, tunah hian Maharashtra sorkarah a hmun tur dil mek a ni a ti.

Kut hmanna ah hian a huaihawttu te sawmna angin Pi Lal Riliani, President, Indian Society on Tobacco and Health, Mizoram Chapter pawhin thusawina hun a nei bawk a ni.

Attachment

  • Loading attachment...