February 23, 2013-a Chalfilh Bial ruak hnawhkhahna tura By-election atan inbuatsaihna ngawrh taka kalpui tan mek zel niin vawiin khan District Election Officer leh Aizawl D.C. ni bawk Dr.Franklin Laltinkhuma hovin meeting pawimawh tak a office-ah neih a ni a. Election kaihnawih Sorkar Department hrang hrang hotute an tel a ni.

Vawiina an thurel langsar zual deuh deuh te chu Chalfilh Constituency hi Sector 3-a then rawtna te, mawhphurhna leh chanvo hrang hrang inruatna te, Model Code of Conduct kengkawh tura mawhphurtu ruat chungchang te leh dan leh thupek chungchang te a ni a. Chief Election Commission duhdan angin he inthlanna kalpui dan zawng zawng Video hmanga thlalak vek dan tur pawh vawiin meeting-ah chipchiar taka sawi a ni a, hemi atan hian Video Surveillance Tean, Video Viewing Team leh Media Certification & Monitoring Committee pawh din nghal an rel a ni.

Vawiin meeting chuan Chalfilh Bial inthlanna vote chhiarna hmun atan Aijal Club an ruat nghal bawk a, vote tla te hi February ni 28, 2013-ah chhiar tur a ni.