Independence Day 2015 hman dan tur vawiin khan Champhai DC Pu H. Lalengmawia hovin Champhai I&PR Conference Hall-ah District a Sorkar office hotute an thukhawm.

He meeting-ah hian Independence Day hi Chhangphut Field ah hman tura rel niin, Programme dar 10:30 ah tan ni se an ti a. Parade entir turin Police  leh School Contingent-te beisei niin,  Police Dept atangin National Anthem beisei a ni bawk.  Independence day hmanna ah hian Mizoram Sorkarin a ruahman angin Finance minister Pu Lalsawta'n Khuallian niin a hmanpui ang a. At Home chu DC Complex-ah neih a ni ang. He meetingah hian Sorkar Department hrang hrangte mawhphurhna leh hmalak dan tur te sem a ni bawk.

Independence Day pual hian Football tournament buatsaih a ni dawn a. Final match hi Independence Day chawhnu a khelh tura ruahman a ni.