Champhai a cham mek Rapid Response Team for Disease Outbreak leh Champhai-a Vety Officer hrang hrang ten vawiin khan Champhai chhunga vawk natna vei leh a thi tawh atangin tissue leh serum sample la in an thawkchhuak.

Vety Doctor-te hi team ah inthen in hmun hrang hrangah an vak chhuak a. Zirchiang turin vawk ruang an post-mortem bakah zirchiam tur sample hi vawk natna vei hrang hrang atangin an la a ni.

Champhai leh a chhehvela vawk hri leng hi PRRS ani tih Mizoram chuan finfiah tawh mahse state dang reaserch institute ah an zirchian a an finfiah turin sample thenkhat hi thawnchhuah a ni leh ang a. Vawk natna hri hi la zirchian zawm zel theih nan te, documentation tha zawk neih nan leh hri a leng ngei ani tih evidence atan sample hi a tam thei ang ber lak a ni. Burma atanga vawk lo luh dan en thlithlai turin Rapid Response Team hian naktukah Zokhawthar kal an tum a ni.