Nimin chawhnu dar 1 : 00 PM khan D.C Conference Hall, Keifangtlang-ah MP Election 2014 -a vote chhiar dan tur chungchangah Counting Supervisor leh Counting Assistant ten framing an nei.

He hun hi Champhai D.C Assistant Returning Officer (ARO) ni bawk Pu Sangdingliana, IAS chuan a kaihruai a. Training a kalte hnenah thu sawiin ARO chuan tawnhriat ngah tak tak pawh kan ni thei a, a thente chu an vawikhat vote chhiarna tur chauh pawh a ni thei, thil thar awm reng anih avangin inzir reng a ngai a ni tiin tihsual palh awm thei laka fimkhur taka vote tlate chhiar turin a chah a ni.

Addl. D.C Pu Zoengsanga pawhin thu sawiin vote chhiar chungchangah sawiselna tam tak a awm thin a, Champhai hian sawisel a kai lohna turin mahni vote chhiarna tur dawhkan theuhah uluk taka hna thawk turin training kalkhawmte chu a hrilh bawk.

Training ah hian Pu Vanrengpuia, EO chuan VVPAT chungchanga hriat tur pawimawh hrang hrangte zirtirna ape a, Pu Zoremthara Ralte, BDO chuan control unit chungchang zirtirna a pe bawk a ni.

MP Election ah hian Champhai District chhunga vote tlate chhiar tur hian Counting Supervisor leh Counting Assistant mi 20 ve ve ruat an ni a, naktuk chawhnu dar 1:00 ah Counting Micro-Observer te tan training buatsaih leh a ni ang.

MP election vote tlate hi counting hall pahnih chhiar ani ang a, counting hall No.l ah 21 Lengteng AC leh 22-Tuichang AC a vote tlate chhiar a ni ang a, counting hall No.2 ah 23-Champhai North, 24-Champhai South leh 25-East Tuipui AC huam chhunga vote tlate chhiar a ni ang.