Excise & Narcotics Department (END), Champhai Station thawktute chuan vawiin khan Mualkawi khaw daiah Heroin gram 7 an man. Hemi kaihhnawihah hian Heroin neitu Lalbiaksanga (21) s/o Lalramzauva (L), Kanan Veng, Champhai chu an man nghal a ni a. Heroin hi Tiau a lak, Champhaia zawrh tur niin a sawi.

Nizan (12 May, 2014) dar 8:45 khan Excise & Narcotics Department, Anti-Narcotics Squad leh Tuikual South Branch YMA te tangkawp chuan Tuikualah Heroin Gram 6 leh a neitute – Lallianpari (52) d/o Lalthangliana (L), Tiau, Myanmar leh Lalliansangi (45) d/o Thangliana (L), Tahan Myanmar, tuna Dawrpui Veng, Aizawla khawsa mek intite chu an man bawk.

Excise & Narcotics Department hian an mi mante hi Section 21(b) of The Narcotic Drugs & Psychotropic Substances Act (NDPS Act) hnuaiah thubuai an siamsak nghal a ni.