NEZCC leh Art & Culture Deptt. bultum, Border Area Dev. Programme hnuaia Chhaktiang Kutpui hmasaber chu vawiin khan Champhai Kahrawt Field ah hlim taka hman a ni a, Pu K. Vanlalzuata, Khuallian/Kut Pa chuan he Chhaktiang Kutpui hi a hawng a ni.
Khuallian chuan thusawiin, India sorkar hian hnam tinte culture leh customs te hi a boral mai loh nan a humhalh tlat a, hmarchhak bial bika kan culture te humhalha vawnghimtu tur North East Zone Cultural Centre (NEZCC) min din sak a ni, a ti. Mizote hian kan hnam culture leh customs te hi kan sakhuana, kristianna nen a in mil lo riaua hriatna kan nei thin a, mahse heng ngaihdan diklo te hi dah tha in a herrem kan tum tur a ni, a ti a. NEZCC hian 1999 khan Champhai-ah Chapchar Kut ropui takin min rawn hmanpui tawh a, tuna hetianga Champhaia an rawn nghat leh hi a lawmawm tak zet a ni, tiin NEZCC, Art & Culture Deptt. leh hnam lam entirtu zawng zawngte chungah lawmthu a sawi a ni.
He Kutpui Organising Committee Chairman Pu C. Lalremliana kaihhruaina ah hian A & C Deptt. Joint Director Pu Ngurbiaka pawhin thu sawiin, India ram hi Cultural Zone 7 a then kan ni a, hmarchhak bial bik enkawl turin NEZCC din a niin Dimapur-ah hmunpui a nei a, NEZCC ah hian Mizoram state pawh hi member pakhat niin kumtin sum a thawh thin a, heng sum tlingkhawm hmang hian state hrang hrangah cultural troupe te kan tir thin a, Champhai atang pawh hian vawi engemaw zat kan tir tawh a ni, a ti. Pu Ngurbiaka chuan BADP hnuaia tuna Chhaktiang Kutpui an hman turah hian NEZCC ah rawnna a thlen thu sawiin, sum beisei zat cheng nuai sawm atanga nuai hnih vel chauh an pek avanga ruahman dan ang taka an kalpui theih tak loh thu a sawi a. Champhai hi Mizo lal hmingthang Vanhnuailiana ten an humhalh tlat, Mizo culture tam zawk rawn intanna hmun a nih avanga ngaipawimawhin Champhai hi Mizo cultural centre-ah kan ngai a ni, a ti bawk
NEZCC atanga lokal Documentation Officer Pu Kiray pawhin thusawiin NEZCC hian hmarchhak biala hnam hrang hrangte culture chu a bo pil mai loh nan hma a la a, India ram zau tak ti hausa tu kan culture hi vawnnun zel a nih theih nan Chhaktiang Kutpui hi hman a ni a ti.
Chhaktiang Kutpui-ah hian Assam (Golaghat) atanga lokal cultural troupe ten Bihu Dance hmuhnawm takin an entir a, Ngur Vengsangin Lamngui an entir a, Champhai Sub-Hqrs. YMA Cultural Troupe, Hmunhmeltha leh Champhai a MCO Club hrang hrangten hnam lam chi hrang hrang an entir a, zaithiam hrang hrang ten zaiin mipui an awi reng bawk a ni.
He Kutpui Organising Committee Chairman Pu C. Lalremliana kaihhruaina ah hian A & C Deptt. Joint Director Pu Ngurbiaka pawhin thu sawiin, India ram hi Cultural Zone 7 a then kan ni a, hmarchhak bial bik enkawl turin NEZCC din a niin Dimapur-ah hmunpui a nei a, NEZCC ah hian Mizoram state pawh hi member pakhat niin kumtin sum a thawh thin a, heng sum tlingkhawm hmang hian state hrang hrangah cultural troupe te kan tir thin a, Champhai atang pawh hian vawi engemaw zat kan tir tawh a ni, a ti. Pu Ngurbiaka chuan BADP hnuaia tuna Chhaktiang Kutpui an hman turah hian NEZCC ah rawnna a thlen thu sawiin, sum beisei zat cheng nuai sawm atanga nuai hnih vel chauh an pek avanga ruahman dan ang taka an kalpui theih tak loh thu a sawi a. Champhai hi Mizo lal hmingthang Vanhnuailiana ten an humhalh tlat, Mizo culture tam zawk rawn intanna hmun a nih avanga ngaipawimawhin Champhai hi Mizo cultural centre-ah kan ngai a ni, a ti bawk
NEZCC atanga lokal Documentation Officer Pu Kiray pawhin thusawiin NEZCC hian hmarchhak biala hnam hrang hrangte culture chu a bo pil mai loh nan hma a la a, India ram zau tak ti hausa tu kan culture hi vawnnun zel a nih theih nan Chhaktiang Kutpui hi hman a ni a ti.
Chhaktiang Kutpui-ah hian Assam (Golaghat) atanga lokal cultural troupe ten Bihu Dance hmuhnawm takin an entir a, Ngur Vengsangin Lamngui an entir a, Champhai Sub-Hqrs. YMA Cultural Troupe, Hmunhmeltha leh Champhai a MCO Club hrang hrangten hnam lam chi hrang hrang an entir a, zaithiam hrang hrang ten zaiin mipui an awi reng bawk a ni.
