Chief Minister Pu Lal Thanhawla chuan Mizoram sorkar hnuaia department zawng zawngte leh sorkar enkawl (Undertakings) zawng zawngte chu sorkar kum ral hma in medical bill tangkhang zawng zawng chingfel vek turin thu a pe.

Hetiang tih a tulna chhan tarlangin, Chief Minister chuan sorkar hnathawk ten MR an bill theih nana Mizoram sorkar leh ICICI Lombard General Insurance Co. Ltd leh sorkar hnathawk awmlohna chhungkua in MR an bill ve theihna tura Reliance General Insurance Company te nena MoU an ziahah harsatna tam tak a awm chhoh avangin Mizoram chhung leh pawm lama hospitalahte bill tam tak a tang a. Hei vang hian damlo ten harsatna namenlo an tawh mai bakah, pawnlam hospital ten damlo an admit duh tawh loh avangin, heng harsatna zawng zawng hi sutkian anih theih nana hmalakna anih thu tarlan a ni.