Ni 4 chhung, 26th Feb – 2nd March 2009, awh tur, kumtina an neih thin, Thutak Nunpuitu Team (TNT) chuan an Headquarters, Zuangtui Muanna Vengah Olympic Games 2009 hawnna inkhawm an buatsaih a. Chief Minister Pu Lal Thanhawla chu Khuallian a ni.
Chief Minister chuan TNT in an games hawnna inkhawma tel ve tura an sawm chu lawmawm a tih thu a sawi a. Ennawm chi hrang hrang entirna an neihte chuan Pathian ropuina a tilang a ni tiin, TNT Hqrs hi Pathian-in a chawimawi a ni a ti. Pu Hawla chuan vohbik chi hrang hrangte nen inhmuhkhawmna an nei thei chu lawmawm a tih thu a sawi a. Pathian chu damlo te tidamtu a ni a; Amah a ropuizia tihlana a awm theih nan khawvelah vohbikte chu tam tak a siam a ni, a ti. Rinna nung nen hmalam um a, tisa leh thlarauvah malsawmna an hmuh theuh theih nan duhsakna a hlan a. Infiamna a tel tura Mizoram hmun hrang hrang atanga lokalte chu Pathianin hruai zel turin a duhsakna a hlan bawk a ni.
He Games hi TNT chuan Fahrah, Mi-a, Ruihhlo ngaite games leh Hmangaihna Thutak Ruai Camping an ti a ni.
Infiamna chi hrang hrang 39 ah inelna a awm dawn a, chung zingah chuan insuknawr, sack race, arpa insual,relay race,duli bo zawn, inkawibah, chhangthawp eisiak,long leh high jump, pipe a inlawn siak, T.T. etc..te an ni a. He Games a tel tur hian TNT enkawl,Lunglei Kalvary centre atang te, Kolasib Kalvary Home, Champhai Mazuia Memorial Home atngte in an rawn tel a. An vaiin Home 8 atangin inelna an nei dawn a ni.
Chief Minister hi a nupui leh a fa ten an tawiawm a, an ni bakah hian bialtu MLA, Pu R.Lalrinawma leh Pu K.Thangzuala,Chairman,MAMCO ten an tawiawm bawk a ni.
He Games hi TNT chuan Fahrah, Mi-a, Ruihhlo ngaite games leh Hmangaihna Thutak Ruai Camping an ti a ni.
Infiamna chi hrang hrang 39 ah inelna a awm dawn a, chung zingah chuan insuknawr, sack race, arpa insual,relay race,duli bo zawn, inkawibah, chhangthawp eisiak,long leh high jump, pipe a inlawn siak, T.T. etc..te an ni a. He Games a tel tur hian TNT enkawl,Lunglei Kalvary centre atang te, Kolasib Kalvary Home, Champhai Mazuia Memorial Home atngte in an rawn tel a. An vaiin Home 8 atangin inelna an nei dawn a ni.
Chief Minister hi a nupui leh a fa ten an tawiawm a, an ni bakah hian bialtu MLA, Pu R.Lalrinawma leh Pu K.Thangzuala,Chairman,MAMCO ten an tawiawm bawk a ni.
