Vawiin khan Co-operative Conference Hall-ah Rajiv Gandhi Akshay Urja Diwas chu urhsun takin hman a ni a, Pu P.L.Thanga, IAS (Rtd.), Secretary, Mizoram State Planning Board chu Khuallian a ni.

 

 

He inkhawmah hian Khuallian Pu P.L.Thanga chuan, Energy Renew theih loh renchem a tul zia leh renewable energy, Ni zung, thli leh kan hnawmhne atanga Bio-Gas siam theih leh khawl theih a nih zia thiam takin a sawi. Prime Minister hlui Pu Rajiv Gandhi chuan heng Ni zung leh thli hmanga energy siam a tulzia leh chumi hmang chuan India chuan ram thang mek te a umphak theih dan tur hmathlir (vision) thui tak neiin hma a lo la a, chu chu mithiam ten a vision chu a ropuina leh pawimawhna te an lo zirchhuah tak avangin sawrkar laipui chuan India ram a Project pawimawh berah a dah ta a, tunah hian Hydro Electric emaw Thermal power in a thlen phak loh India ram thingtlang khaw tam takah Ni zung chakna hmangin khaw tam tak tih en a ni tawh a ni tih a sawi. Khuallian chuan sikul naupang lo kalkhawmte chu heng renewable energy pawimawhna leh mipuite hnena uar zawk a zirtirna pe turin a sawm.

He inkhawmah hian Energy renchem dan leh a tangkaina te thupui a hmangin Extempore Speech leh Short Drama ah te sikul hrang hrang an in el a. Extempore Speech ah chuan : 1) Lalnunzira, Class XII, Gov’t. Republic HSS; 2) Lalrinchhana, Class XII, St. Pauls HSS; 3) Lalnunzira, Class XII, Gov’t. Mizo HSS te an ni.

Short Play ah: 1) St. Pauls HSS; 2) Gov’t. Republic HSS te an ni.

Consolation Prize chu sikul tel zawng zawng hnenah pek a ni bawk.

He inkhawm pawimawh tak hi District Level Chairman, Aizawl D.C. nibawk Pu C.Thanchhuma’n a kaihruai a, Dr. R.Tlangkunga’n Keynote address tha tak a pe bawk.