Vawiin chawhma dar 10:30 khan Govt. G.M. Higher Secondary School-ah Observation of Disaster Risk Reduction Day 2014 hman a ni.

He hun hi Pu Zoengsanga Addl DC Champhai chuan a kaihruai a, thusawiin Khawvel hmun hrang hrangah chhiatrupna nasa tak tak a thleng thin a, Champhai ngei pawh kan bang lo va, Khuarel chhiatna leh mihringin kan siam chawp chhiatna lo thleng thin te hi engtin nge kan tih tlem ang a, kan hma chhawn ang tih kan ngaihtuah a ngai a, kan inven theihna chin chinah kan inven a ngai a. Kan fimkhur loh avangin chhiatrupa kan insiam chawp thin a ni a ti a, Kan fimkhur tawk loh avangin kangmeiin kan ram leh kan in te nasa takin min tihchhiat sak thin a, bawlhhlawh a hmun a kan paih loh avangin leimin nasa tak a thleng thin bawk a ni. Heng chhiatna lo thleng thin te hi a hmachhawn dan leh a tihtlem dan kan ngaihtuah a ngai a ni a ti bawk.

Pi Lalrinchhani Ralte, SDC Champhai chuan Power point presentation hmanginChhiatna a lo thlen palh a mahni inchhung leh khawtlang inbuatsaih dan tur chungchang zirtirna a pe a, Pu V Lalchawimawia, Addl.SP Champhai in ‘ Rescue Operation’ chungchangah zirtirna pe in, Pu Vanlalchuailova DFO Champhai in Awareness on Fire Prevention" chungchangah zirtirna a pe bawk.