1800/2026-2027 

Dated Champhai, the 14th August, 2026: Vawiin khan DC Conference Hall Keifangtlangah Champhai District Electoral Roll Observer leh PHED/Art & Culture Department Secretary ni bawk Pi Zodingpuii hovin Special Intensive Revison 2026 hmalakna hrang hrangte sawiho a, thutkhawmna neih a ni.

Pi Zodingpuii chuan Champhai District-ah roll felfai tak neih a ni thei tur chu lawmawm a tih thu a sawi a. Election Commission of India thil tum lian ber chu 'Vote nei thei tumah hmaih loh leh vote nei thei lo te Electoral Roll-a chuan tir loh' hi a ni a,  hma lam hun atan pawh roll felfai neih a nih zel theihna turin ṭan ho a ngaih thu a sawi a. SIR tluang taka  zawh fel a nih theih nan mipui, official, political party leh tlawmngai pawl te thawhhona avangin lawmthu a sawi bawk a ni.

He hunah hian Election Officer Pu Ngulzathuama chuan SIR-a Champhai District hmalak tawh dan hrang hrangte tarlangin, May ni 20 atanga 29, 2026 chhungin Training, Preparation leh Printing neih a ni a. May ni 30 atanga June ni 28, 2026 chhungin BLO-ten in tinah Enumeration Form sem leh khawn khawmin, BLO App hmangin an digitise nghal vek a ni, a ti. Heng bakah hian, Polling Station siamremna (rationalisation) neiin Polling Station 84 awm thin chu 90-ah tihpun a ni bawk. Draft E/Roll tlangzarh a nih hnu hian Claims & Objections hun chhung hi July ni 5 atanga August ni 4, 2026 chhungin neih a ni a, Final Electoral Roll hi September ni 7, 2026 a tihchhuah tur a ni.

Vawiina Observer hova thutkhawm neih hi District Election Officer Pu Mohammad Aaquib chuan lawmthu sawinain a khar a. He hunah hian Election Officer, ERO, AERO, DIPRO, Party aiawh, MJA, Sub-Hqrs. YMA, MHIP leh MUP aiawh te an tel a ni