1799/2026-2027 

Siaha the 14th August 2026: Independence Day hmanpui tura Siaha a cham mek Pu Lalnghinglova Hmar, Minister of State (i/c) , Excise & Narcotics Department etc hovin vawiin khan District chhunga sorkar department hotute leh tlawmngai pawlte chu Ruihhlo chungchang sawi hoin DC Mini Conference Hall-ah an thukhawm.

Minister Pu Lalnghinglova Hmar chuan Mizoram chu ruihhlo in a tibuai nasa hle a, Siaha District pawh a banglo tiin ruihhlo tih rem a nih theih nan an ngaihdan te sawiho a, rawtna an neihte ngaihthlak a duh thu a sawi. Hmalak chhunzawm zel dan tur ruahmanna siam a, Ram leh hnam chhan nan uluk leh ngunthluk taka ngaihtuah ho tul a tih thu a sawi. Minister chuan ruihhlo do rem tur chuan tlawmngai pawlte bakah Kohhran leh Khawtlang nen thawhho a pawimawh thu sawiin an puihbawmna a ngen nghal. Operation Jericho kalpui a nih hnuah ruihhlo tawlhruk in zia lam a pan zel laiin mizoram chhim lam chu ruihhlo tawlhru thin te chuan kalkawng atan an hmang tan nia a lan thu sawiin chutiang a thlen loh nan Siaha District venhim  a ngai a, theihtawp a lo tan a tul a ti. Siaha District chu Mizoram pum entawn ‘Drug Free District’ a siam turin Kalkhawmte chu thawhhopuia a sawm nghal bawk. 

District Bawrhsap Pu V L Hruaizela Khiangte kaihhruaina hnuaia thutkhawmah hian chuan Siaha ah Excise and Narcotics Department a Assistant Commissioner Pu RV Bohia chuan Siaha District chhunga ruihhlo do kawnga hmalakna hrang hrang report a pe a, department hrang hrang hotute leh tlawmngai pawl hruaitute pawhin an hmalakna te bakah an vei zawng te sawilanna an nei bawk.