Mizoram Sorkarin vawiin hi National Cleanliness Day-a hman tura a phut angin Champhaiah pawh Sorkar Office leh School hrang hrangte bakah khawtlang hnatlang koh niin, khawtlang tihfai beihpui neih a ni. Khawtlang hruaitute leh tlawmngai pawlten zing atangin hnatlang an ko a, School naupangten khawchhung hmun hrang hrangah tihfai hna an thawh bakah Sorkar hnathakten an office an tifai bawk.

Sorkar laipui chuan vawiin January ni 30, Mahatma Gandhi thihcham hi National Cleanliness Day ah puangin, ram khua leh tui ten faina ngaihpawihmawh nachang an hriat a, ram fai leh hrisel kan siam theih nana hmalakna a ni a. Hemi ni hian mi tupawh an chenna in, hnathawhna hmun leh khawltang hmun an awmna apiangah fai leh thianghlim thei ang bera awm tura beisei an ni a. Mizoram Sorkar pawhin thuchhuah siamin he ni denchhen hian Sorkar office tinte chu mahni office leh a chhehvelte tihfaina ni ah hmang turin a hriattir a ni.

Attachment

  • Loading attachment...