Vawiin chawhma khan Kolasib I & PR Conference Hall Project Veng ah Training on Basic Diary Farming neih a ni a. He training hi Pu Jitender Yadav D.C. Kolasib District chuan a hmanpui.

Thu sawiin Pu Jitender Yadav chuan, ‘Kan State leh kan District chhungah eizawnnan Bawngvulh chu thil pawimawh tak a ni, a ti a. Bawnghnute chu hriselna tamtak min petu a nihzia leh kan tu, fa te leh kan vai atan thil tul tak a nihzia sawiin, taima taka eizawnna ngialnghet kan neih theihnan bawng i vulh zel ang u’ a ti. Training a tel ran vulhtute chu an eizawnna atana nasa taka an hlawkpui ngei a rin thu Pu Yadav chuan a sawi a ni.

He training ah hian subject pathum - General Management of dairy Cattle, Common Disease of Dairy Cattle leh Reproduction A.I. in Cattle zir ho a ni a. Resource person pathum Dr. Rebecca K. Lalhmangaihi; Dr. V.Vanneitluanga leh Dr. C. Sanghluna ten zirtirna an pe a ni.

Dr. C.Lalrintluanga D.V.O. Kolasib-in he training programme hi a kaihhruai a. Bawngvulhtute an kal tha hle.